Cantidad di detencion durante Toque de Queda a aumenta atrobe

ORANJESTAD – E cantidad di detencionan a cuminsa aumenta atrobe e siman aki durante e Toque de Queda. Si siman pasa esaki a cay basta y yega te na un cantidad di 6, ya diahuebs, esaki a aumenta doble, te na 12. Esaki ta pone cu cierto grupo di nos comunidad no ta tene nan mes na e regla y cu ta pone cu gobierno ta haya su mes ta tuma medida pa castiga un grupo grandi, pa daño cu un grupo chikito ta haci. 

EFECTO NEGATIVO

E comportacion mientrastanto ta causando e efectonan negativo necesario internacional. Siman pasa dos portal internacional a raporta riba e cantidad di detencionan cu tin y con e ‘pueblo’ ta desafia orden di autoridad na Aruba. 

MAS MEDIDAGobierno basa riba mal comportacion, cada bes tabata evalua y ahusta e forza di e medidanan y den e caso aki, adapta unda cu tabatin mester. Asina mes, a opta toch pa e fin di siman santo aki, pa no implementa un toque de queda total, sino un Shelter in Place adapta, unda cu a fortifica cierto reglanan, valido pa diabierna, diadomingo y dialuna proximo. No ta conoci si e medidanan aki lo haya ahuste atrobe mirando comportacion malo di e grupito cu a aumenta atrobe.