Nos artista nan local Cesar Olarte y Ataniro ta exitoso un biaha mas den exterior!

ORANJESTAD -  E Artistanan di Aruba Cesar Olarte y Ataniro a realisa un video clip dirigi pa David Wever cu un di Artista nan mas popular di Cuba actualmente

E hoben Cubano, Yoyo Ibarra, a keda reconoci como un di e artista nan di mas prominente di Cuba pa Billboard Latino, un di e influente nan di mas grandi den musica latina ta skirbi - esta Leila Cobo. Su tema anterior, Q  uedate , a ocupa e posicion #1 pa 14 siman den e lista nan mas prominente di Cuba. Mester menciona tambe cu e video clip “Quedate” a wordo nomina pa e mihor video di ana Y tambe tawata bao di encargo di David Wever.

DAVID WEVER

Den un entrevista cu David Wever, e la conta cu ora e la traha cu Yoyo na New York na comienso di 2019 e la bisa Yoyo cu lo ta bon pa e bishita su isla natal mirando cu Cuba y Aruba tin hopi en comun. David na su turna na Aruba a crece ta admira Ataniro cu Cesar Olarte, y na Januari 2020 e oportunidad a aparece ora Yoyo Ibarra tawata di paseo na Aruba anto a dicidi di realisa e produccion nobo hunto cu nan. Wever a percura pa e direccion creativo di e video clip “Pa’Mi” Conhuntamente cu un equipo impresionante e la pone e produccion aki riba pia den un tempo record back den januari.