Fitch Ratings a downgrade Aruba debi na coronavirus

Fitch Ratings a downgrade Aruba debi na coronavirus

Posted on 04/8/2020 3:11 pm AST | Updated on 04/8/2020 3:14 pm AST

NEW YORK – Fitch Ratings diaranson a ‘downgrade’ Aruba cu dos grado di BBB- pa BB y cu un panorama negativo. Un aña pasa e siman aki, e mesun agencia a mantene Aruba na e BBB- rating. E downgrade di awe ta refleha un caida fuerte economico cu ta spera Aruba debi na e perdida di e entrada di turismo pa 2020/2021 y e deterioracion severo den e cuentanan fiscal y entrada internacional como consecuencia di e crisis di coronavirus. Fitch ta proyecta cu e debe di Aruba lo subi te na 92.6% na 2020 for di 62/8% na 2019. Ta spera sosten financiero di un forma di Hulanda, pa asina facilita e economia di e sila pa absorba un shock grandi. E panorama negativo ta refleha e risiconan considerable pa cu e pronostico economico global y e industria turistico di Aruba como consecuencia di e pandemia global di coronavirus. Tambe e abilidad di gobierno pa baha e peso di e debe ora cu economia cuminsa recupera na 2021. Manera raporta caba, Fitch ta considera Aruba entre e paisnan mas dependiente di turismo mundialmente y awor por spera un cainda di 80% di caida den entrada debi na e lockdown global y e ceramento di aeropuerto nacional pa bishitantenan di afo na maart.  

DESEMPLEO

Fitch ademas ta pronostica e ‘freeze turistico’ y medidanan di cuarentena y lockdown pa causa un caida di 10% di nos PIB, aumentando desempleo dramatico y caida di negoshi chikito. Lesa e rapport completo AKI.  NOTA: E potret ta di un aña pasa durante bishita di gobierno di Aruba na Fitch Ratings ora cu Aruba mantene e rating di BBB- pero a haya un panorama negativo. 

  • Powered by SETAR