Gabinete Rutte II a evita un caida di gobierno

DEN HAAG – Gabinete Rutte II a scapa di un caida di gobierno, despues di tres dia di un crisis serio pa motibo di un ley di cuido. E partidonan di gobernacion VVD y PvdA a haya otro y firma un compromis , cu de hecho ta elimina e crisis y e caida posibel. Sinembargo e tres partidonan di oposicion ‘amigo’, D66, ChristenUnie y SGP ainda tin precupacion grandi. “E partidonan di coalicion tin un acuerdo cu otro” lider di D66, Alexander Pechtold a declara despues di e combersacion cu e partnernan di coalicion. “Nos no a sera un acuerdo cu e gabinete”. E crisis a surgi diamars ultimo ora cu den Eerste Kamer, tres miembro di e propio partido PvdA a nenga di sostene e plan di cuido di nan minister Schippers, cu a pone cu cosnan a cuminsa tambalea. Tres dia di intenso negoshacion a pone cu nan a haya otro y a evita lo peor, esta un caida di gobierno hulandes.