AHATA ta proyecta situacion di 0 turismo pa Aruba pa varios luna

AHATA ta proyecta situacion di 0 turismo pa Aruba pa varios luna

Posted on 04/8/2020 11:23 am AST | Updated on 04/8/2020 11:24 am AST

ORANJESTAD - AHATA ta proyecta cu e situacion di 0 turismo lo dura varios luna y cu lo experiencia un trayectoria di recuperacion hopi largo. Asina e CEO Tisa LaSorte ta raporta   pa medio di su comunicado diaranson. Segun AHATA, e realidad ta cu tin hopi compania cu no por sobrevivi varios luna sin entrada. 

E situacion sin precedente segun LaSorte, ta pidi pa accion di gobierno pa ofrece pakete di alivio na sector priva, pa por mantene mas hopi compania posibel den un posicion pa por habri nan porta bek y keda ofrece empleo den futuro. Sin commercio no tin empleo y no tin entrada pa presupuesto di gobierno. Ademas, nos gobierno mester demostra responsabilidad durante e crisis desastroso y baha gastonan drasticamente den su presupuesto. Awor mas cu nunca ta tempo pa vision, sabiduria,responsablidad y accion decisivo pa salvaguardia nos pais su futuro.

  • Powered by SETAR