AHATA: COVID-19 a corta turismo di Aruba na mitar na maart

ORANJESTAD – Segun Aruba Hotel & Tourism Association (AHATA), COVID-19 a corta turismo di Aruba na mitar na maart  di e aña aki. AHATA ta acumula e cifranan di ocupacion y prijs di hotelnan tur luna, y pa luna di Maart 2020 e CEO di AHATA Tisa LaSorte ta confirma cu e crisis di COVID-19 a afecta turismo den e luna di Maart drasticamente.  

OCUPACION MAART 2020

E ocupacion na hotelnan a baha cu 48.4 punto compara cu Maart 2019, yegando grado di ocupacion di 41.7%. Esaki ta un nivel di ocupacion cu ta trese perdida financiero.

ADR: E balor averahe di cada camber (ADR) den Maart a baha cu 3.5% compara cu un aña pasa, yegando $333.25.

RevPAR: E entrada averahe pa tur camber disponibel, na Maart tabata $138.93; un reduccion di 55.4% compara cu un aña pasa.

Como tal AHATA ta referi na e crisis cu a corta nos turismo na mita den luna di Maart y na April ta conoci cu tin 0 turista y 0 entrada na hotelnan di Aruba y otro companianan miembro di AHATA.