ORANJESTAD – Gobierno di Aruba a opta pa no implementa un Toque de Queda total pa fin di siman Santo, sino a mas bien fortifica dos dia di fin di Siman Santo, usando e medida di Shelter in Place. Ta trata di e Diabierna Santo y Diadomingo di Pasco Grandi. Riba e dos dianan aki, tur lugar ta cera, cu excepcion di lugar di cuminda, pompstacion y botica y no ta permiti pa bay laman riba e dos dianan aki. Y e samenscholing ta wordo extendi pa miembronan di famia mas di 3 hende. Esaki a cambia awor cu hasta famia no por ta mas den grupo di tres. Diasabra y dialuna lo suavisa e regla un poco, pero a pidi pa no abusa di e reglanan aki.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.