- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Gradus na RMR: Aruba por haya sosten di likides di 42 miyon pa coronavirus crisis
ORANJESTAD – E colegio di supervision financiero CAFt (lesa: Raymond Gradus) ta recomenda Rijks Minister Raad (RMR), osea conseho di minister di Reino Hulandes pa duna Aruba un sosten di likides na balor di 42.8 miyon florin, cu e tin cu paga bek dentro di dos aña, ‘den un solo tiro’. Asina e presidente di e colegio Raymond Gradus ta bisa den su carta. Mester bisa si, cu e carta no ta conta cu sosten di e miembro local (Hellen van der Wal) cu a distancia su mes di e conseho aki. Den un otro articulo adhunto, noticiacla.com ta splica e ‘crisis’ cu a surgi den e constelacion di e colegio, unda cu tur miembronan local a ‘distancia’ nan mes di e respectivo consehonan pa fiansa.
E FIANSA
E suma di fiansa, manera indica, mester wordo ‘inicialmente’ paga bek den un asina yama ‘bulletlening’ osea un solo biaha na final di e dos añanan, contrario na paga esaki mensualmente. Hunto cu esaki CAFT (lesa: Gradus) ta sugeri pa Hulanda inscribi riba e mercado internacional pa Aruba por haya e placa aki mass liher.
CONDICIONGradus ta sigui pidi pa RMR pone como condicion, pa Aruba entrega un proposicion pa subsidio di salario den combinacion di mantencion di empleo. Despues cu evalua e proposicion aki, Aruba por bin na remarke pa e sosten di likidades for di Hulanda, bou di e condicionan estableci. Ademas, Gradus kier pa Aruba riba termino corto, bin cu forma di spaar y reahusta e postenan presupuestario manera gasto di personal, bienes y servicio y subsidio y transferencia pa financia e gastonan extra di e plan di emergencia y asina reduci e deficit mas ainda. CAFt (lesa Gradus) lo haci palabracionan adicional pa cu un maneho eficiente di e fondonan di likides cu atencion specifico pa eficiencia y evita burocracia.
CONTROL
Pa fin di april, CAFT mester ricibi un rapport di con e fondonan den maart (e luna anterior pues) a keda usa. Ademas Gradus kier pa Aruba haci esaki liher y tambe duna bista riba e fondonan usa pa e fondonan social. Esaki ta un condicion pa un proximo peticion pa sosten di likides por wordo trata. A base di e raportahe mensual, Gradus ta sugeri pa na mei 2020, basa riba e informacion ricibi, duna un conseho na RMR di e situacion y un bista di e sosten di likides necesario te cu fin di juni 2020.
REFINANCIAMENTO
E posibilidad ta existi cu na final di e dos añanan, dependiendo e situacion, por refinancia e debe y comberti esaki den asina yama ‘sinking bonds’. E momento ey por ahusta e termino di tempo di amortisacion y demas condicionan. Lesa e conseho completo AKI.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
