Conseho riba sosten di likides a causa rabia interno den CAFT/CFT

Conseho riba sosten di likides a causa rabia interno den CAFT/CFT

Posted on 04/7/2020 3:47 pm AST | Updated on 04/7/2020 4:02 pm AST

ORANJESTAD – Miembronan local di e colegio di supervision CAFT/CFT (e miembronan cu ta representa nan respectivo isla Aruba, Corsou y St Maarten) a distancia nan mes di e consehonan ultimo riba e sosten di likides pa e islanan di Caribe Hulandes. Asina nan ta raporta den un carta rabia cu NoticiaCla tin den su poder, cual carta a keda manda pa e presidente di e colegio, Raymond Gradus diamars. E miembronan tin problema cu e contenido di e conseho cu e presidente Gradus a manda pa Rijks Minister Raad awe riba e sosten di likides. 

E CONTENIDO

Por deduci tambe cu e sosten di likides manera presenta den e respectivo cartanan, no ta nada solidario y cu e tono ta mantene e regla estricto financiero, sino tene cuenta cu e situacion real di e islanan y como tal ta considera como un bofta den cara di e islanan. Tur tres isla enberdad a haya sosten, pero den un forma di un fiansa, cu nan tin cu paga bek den un solo tiro despues di dos aña. Posiblemente esaki tambe ta pone cu dificilmente e miembronan local por a sostene e contenido manera cu e tabata. 

CARTA

Den e carta cu ta circula, e miembronan local ta bisa cu nan a tuma nota di e conseho final cu e presidente a manda pa RMR awe, tanto pa Aruba, Corsou y St Maarten pa loke ta e ayudo di likides relaciona cu e crisis di coronavirus. Segun e miembronan local, nan ta sorprendi cu nan comentario y conseho riba e conceptonan manda, no a keda refleha den e conseho final, y cu no a usa e proceso di scucha y wordo scucha (hoor en wederhoor). Como tal nan ta constata 5 punto specifico di nan preocupacion. 

E consehonan no ta refleha e pensamento suficiente di e miembronan local.  E miembronan local no ta reconoce nan vision y punto den e conseho.  E consehonan no ta refleha e seriedad di e situacion di e islanan Caribense suficiente.  E consehonan ta mucho unilateral riba e situacion financiero y no a tene cuenta cu e situacion social y economico (manera p.e. refleha pa IMF).  E consehonan no ta refleha e pensamento solidario di e statuut di Reino Hulandes.

DISTANCIA DI E CARTA

Como tal, e conseho manda riba e tema, no ta un conseho completo manera entrega na RMR, y no por papia di un conseho na nomber di e colegionan (completo).  Segun e miembronan local, nan ta sostene e grito di tur organisacion internacional manera IMF, OECD y Comision Europeo pa ta solidario cu otro den e temponan aki. Como tal, mirando tur loke ta pasando, e miembronan local ta sugeri pa RMR tene cuenta cu parti di e placa cu ta wordo duna como ‘prestamo’, mester bin den un forma di un ‘regalo’. Y como tal, e miembronan local a anuncia cu nan ta distancia nan mes di e conseho duna riba e tema di e sosten di likides pa paisnan Aruba, Corsou y St Maarten. A manda un copia di e carta pa RMR. Lesa e carta completo AKI. 

 

  • Wever-Croes: Bishita na Corsou pa 'salvaguardia aseguradonan di Ennia Aruba'

    Wever-Croes: Bishita na Corsou pa 'salvaguardia aseguradonan di Ennia Aruba'

    ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.

  • Four Seasons ta inclui Aruba den su itinerario pa yate crucero luhoso pa 2026

    Four Seasons ta inclui Aruba den su itinerario pa yate crucero luhoso pa 2026

    MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.  

  • SETAR ta contento di partner cu Aruba Scholarship Foundation

    SETAR ta contento di partner cu Aruba Scholarship Foundation

    (ADVERTORIAL)     

  • LaSorte: No protesta contra e turista, riba desaroyo di turismo di Aruba

    LaSorte: No protesta contra e turista, riba desaroyo di turismo di Aruba

    ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio. 

  • Association of Aruban Realtors ta termina areglo di prijs prohibi despues di intervencion di AFTA

    Association of Aruban Realtors ta termina areglo di prijs prohibi despues di intervencion di AFTA

    ORANJESTAD  - Association of Aruban Realtors (AAR) despues di un reunion cu AFTA a revoca su Commission Guidelines. E guidelinenan aki ta limita competencia den prijs entre intermedario, y esey a base di e Ordenanza encuanto Competencia (Mededingingsverordening; AB 2020 no. 103) ta prohibi desde 1 di januari 2024. A traves di e revocacion di e guidelinenan aki ta kita e limitacion pa competencia den prijs, loke por conduci na tarifa mas abao. Esey ta faborabel pa consumido y empresa cu ta haci uzo di servicio di intermediario. Pa motibo di e revocacion rapido di e guidelinenan di parti di AAR y e tempo corto desde cu e Ordenanza encuanto Competencia a drenta na vigor, AFTA a para su investigacion encuanto AAR y su miembronan.

  • LaSorte: Entre hotelnan existente y nobo, mester di 1500 trahado den 2024 so!

    LaSorte: Entre hotelnan existente y nobo, mester di 1500 trahado den 2024 so!

    ORANJESTAD – Entre e hotelnan existente y esnan nobo cu tin habri e aña aki ainda, mester tin 1500 trahado den aña 2024. Y esey ta pa hotel so. Asina e CEO y Presidente di AHATA Tisa LaSorte a bisa den e programa Noticiacla LIVE diahuebs anochi. Por wak e fragmento ey di e programa AKI. 

  • Powered by SETAR