CFT a conseha RMR pa Corsou haya sosten di likides di 177 miyon

DEN HAAG – Colegio di supervision financiero CFT a recomenda pa Corsou haya ayudo di likides di 177 miyon florin, pa por salvaguardia cuponan di trabou y cubri perdida di entrada. Esaki e president di CFT Raymond Gradus a informa Rijks Minister Raad (RMR) den un carta di 8 pagina diamars. A specifica si cu esaki no ta un regalo, sino un fiansa cu mester wordo paga bek den 2 aña di tempo den un asina yama ‘bulletlening’, osea paga bek den un solo tiro, of un solo suma. 

ESCOGENCIA

Ademas ta pidi Corsou pa crea espacio financiero riba nan presupuesto, pa cubri e ayudo financiero. Esaki mester ta cla pa entrega na CFT den un cambio di maneho di presupuesto [a 1 di mei proximo. CFT lo haci mas palabracion riba un maneho eficiente di e likides ricibi, cu atencion specifico riba su eficiencia y evita burocracia. Corsou ( y otro islanan mester raporta tur luna, pa cual CFT lo manda un format. A base di e raportahe mensual, CFT lo sigui e realisacion di e desaroyo di e posicion di likides. CFT kier pa comienso di mei, duna un conseho na RMR riba e actualisacion di e situacion y un bista di e likides necesario de fin di juni 2020. Lesa e documento completo AKI. 

Potret cortesia Knipselkrant Curacao.