- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Richard Eman: Citgo a haci net net nada cu e refineria di Aruba
ORANJESTAD – Gobierno anterior (di Aruba:red) a firma un contracto cu CITGO Aruba Refinery (CAR) cu tabata beneficia solamente e refineria. Asina presidente comisario di Refineria di Aruba Richard Eman a bisa durante un conferencia di prensa diamars mainta. Segun Eman, normalmente ta cera un contract cu ta win win situation pa tur partido. Den e caso aki sinembargo, no tabatin ‘ningun’ win situacion pa Aruba. Ademas a duna CITGO tur cos, (di e refineria) pero cu CITGO a haci “net net nada cu e refineria”.
HISTORIA
Eman a repasa e ‘historia’ for di comienso di 2019 unda cu a indica cu CITGO a haya su mes den problema y no por a cumpli cu nan obligacionan. Ta for di februari 2019 cu CITGO a stop di paga nan huur y yen di otro cos. CITGO lo a duna tur sorto di motibo pa cual nan no por a cumpli cu nan obligacion. A splica di e ‘guera’ cu tabatin cu RdA y unda cu finalmente a yega na e acuerdo pa caba cu tur cos.
HUSTIFICACION
Mes momento Eman a purba na splica tambe e decision tuma pa exonera CITGO di e parti di desmantelacion y tambe daño contra medio ambiente. Segun Eman, no tabatin sinti di cuminsa e caminda largo di arbitrahe, pa finalmente despues di posiblemente 5 aña, resulta cu no a gana nada. Si a gana mes, e refineria lo no tabatin ningun balor mas pa cual Aruba lo a perde tur cu tin. Como tal a opta pa haci loke nan a haci, y por lo menos saca algo for di nan.
PAGA GARANTIA
Tambe Eman a splica, riba pregunta di noticiacla, pakico no por haci uso di e clausula di pago di garantia di 150 miyon dollar si tin incumplimento. A splica cu ora cu tabatin e embargo, tur esaki a cay na awa pues no por a haci un yamada riba e garantia ey tampoco. Un parti di e contracto cu tabata surpasa tur aspecto parce, tabata esun di ‘force majeur’, esta ‘overmacht’ unda cu CITGO a usa esaki practicamente pa tur cos y asina sali afor sin problema.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
