• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

FTA: KvK su posicion di confrontacion no ta yuda na nada

ORANJESTAD – Camara di Comercio (KVK) su posicion di confrontacion no ta yuda na nada. Asina presidente di FTA Rudy Dirksz ta reacciona riba e declaracion di e gremio comercial, pa bin cu cambio di ley laboral relaciona cu e crisis di coronavirus. E gremio a manda un lista di cambio pa gobeirno efectua pa yuda sector comercial. Pero gremio sindical (por lo menos un di nan) no ta di acuerdo.

REACCION

Segun Dirksz, na Aruba nos tur por ta conciente caba cu nos ta pasando den un crisis. Esaki ta afecta tur aspecto di bida. “Pero aki ta prioridad mester wordo poni y trata pa yega na otro. KVK cu un posicion di confrontacion no ta yuda na nada” Dirksz ta bisa. “Aki ta falta madurez lamentablemente” e presidente di e sindicato ta sigui bisa. Segun Dirksz,  flexibilizacion ta un deseo di dunadornan di trabou pa hopi tempo, pero cu no ta beneficia e trahador y su famia.” Sigur camindanan cu abusonan ta tuma lugar di e trahadornan” Dirksz a sigui bisa. 

SECTOR TURISTICO

Dirksz ta sigui mustra tambe riba e aspect di turismo. “Nos ta hopi conciente cu Aruba ta depende casi 100% di e industria turistico cu ta e sector cu ta wordo afecta mas cu tur. E problema ta asina grandi cu introduccion di cambionan di leynan laboral y flexibilizacion lo no yuda” Dirksz a sigura e portal aki. “Alcontrario esaki lo por empeora e situacion social. Aki nos mester wak otro den cara y dicidi kico ta bai prome, ta hende ta prioridad of e placa cu no por cumpra bida” Dirskz a continua bisando.

ALTERNATIVA

Dirskz ta conciente cu e situacion aki por dura largo, pa cual mester busca alternativanan, pero cu mester ser discuti hunto. “Mester tin e posibilidad pa pone mas atencion na e otro sectornan mientras cu turismo ta paraliza. Cu si tin un parti di nos economia ta sigui draai, lo suavisa e problema y pa e negoshinan chikito cu ta haya nan mes den problema lo mester por wordo yuda door di gobierno of banconan pa nan por keda na bida manteniendo empleonan”. Segun e presidente di FTA, no ta asina cu un trahador por wordo kita for di trabou sin mas. “No ta pasobra tin crisis kier meen cu leynan laboral y derechonan ta stop di existi. Si nos kier solucion berdadero y duradero nos mester acepta cu nos mester traha hunto y no pensa di impone riba otro. Tene cuenta cu esun cu lomba mas hancho ta supposed di aporta mas pa pasa door di e crisis aki”. 

RECUPERACION ECONOMICO

Recuperacion economico no mester nifica duna oportunidad pa crea desempleo pa crea mas problema social. Na unda seriedad a keda."Si no tabatin y tin abuso di acuerdonan di di trabou temporal e ley no ta existi". Dirksz a finalisa bisando.

GOBIERNO

Gobierno (lesa: Minister Glenbert Croes) mientrastanto a informa e portal aki cu pa awe merdia nan lo duna un reaccion  riba e peticion di Camara di Comercio, ya cu nan mester evalua e contenido y wak kico ta kico.