DTI: No ta keur vehiculo di motor te proximo aviso debi na coronavirus

BARCARDERA – Departamento Technico di Inspeccion (DTI)  ta cera pa publico te cu proximo aviso. Asina e departamento a informa dialuna. E ciere ta relaciona cu e crisis di coronavirus y e seguridad cu esaki mester tin pa cu su trahadonan y e publico en general. 

Pa e parti di Voertuigkeuring (keurmento di auto, truck, brommer etc.) lo siguiente;

- Actualmente no ta posibel pa haci afspraak pa keur voertuigen(auto, trucks, brommer).

- Afspraak nan haci desde 17 maart 2020 te cu 20 april 2020 lo wordo posponi pa un otro fecha.

- E pago haci y e afspraak no ta perde su validez.

- Esaki ta conta tambe pa herkeuringnan cu tin un fecha di vencimento dentro di 30 dia.

- Servicio di Registracion, Overschrijving y Duplicaat no ta posibel actualmente.

- Pa informacion encuanto keurmento di auto y cambio di afspraak por tuma contacto na Tel: 5937947 (whatsapp of yama).

Informacion necesario : datum afspraak- Nummer plaat auto - Tel Nr. Korps Politie Aruba (KPA) a ser poni na altura di es cambio nan aki.

Pa mas informacion por email dti.voertuigkeuring@gmail.com y facebook: Dienst Technische Inspecties.

Den nomber di DTI nan ta pidi nan disculpa pa cu esaki y ta spera di por conta cu e cooperacio?n di Pueblo di Aruba.