Version di preso: Preso na KIA ta reclama falta di atencion medico

SANTA PATIA – Un preso cera den Kia, esta e preso Diego D, ta keha cu e no ta hayando atencion medico y cu e mester di ayudo. El a bay prensa pa haya atencion riba su caso. Mientrastanto diaranson noticiacla.com a haya reaccion di e director di KIA Gino Winklaar, y a publica esaki riba su portal. Awe nos ta pone e version di e preso. Segun e preso, e ta buscando ayudo medico pasobra su situacion no ta bon y aunke e ta pidiendo ayudo, e no ta hayando esaki. E ta riba medicamento caba, pero aparentemente segun e prezo, esaki no ta yudando mas, pa cual e kier un otro medico. Esaki pasobra e medico di KIA, dr Rivera lo no kier yude. E kehonan di e preso ta cu e no por hala rosea bon, y tin problema cu garganta. E tin un siman sin come, y ora di haya sopi, ta e awa so e por bebe pasobra e resto no ta pasa door di su garganta. E preso a dicidi di envolve su abogado F. Carlo, pa wak si asina e por haya asistencia.