Grupo mas grandi di esnan contagia na Aruba cu coronavirus ta entre 30-34 aña di edad

ORANJESTAD – E grupo di persona contagia positivo cu coronavirus ta mas tanto entre esnan di edad 30-34 aña cu ta 16.4% di e totalidad. Asina premier Evelyn Wever a comparti diaranson anochi durante e briefing riba coronavirus. Tambe a mustra cu 1/5  di esnan contagia ta di e grupo vulnerable. Tambe e grupo mas grandi ta sali di e sector hotelero, sigui pa e departamento di salud, y e resto ta varia. Tin mas homber cu muher cu ta contagia positivo, y mayoria di e casonan (53.1%) ta casonan local.