Taskforce lo cuminsa controla filanan largo di hende na cierto establecimento

ORANJESTAD – Un taskforce institui, lo cuminsa controla entrante diahuebs riba filanan largo cu tin na cierto lugarnan. Asina premier Evelyn Wever Croes a bisa durante e briefing riba coronavirus diaranson anochi. E motibo ta cu ainda tin filanan largo na cierto establecimento, manera lugarnan pa paga cuenta di utilidad y otro lugarnan. E intencion ta pa kibra filanan cu tin pa asina evita cu tin aglomeracion innecesario cu tur su risiconan di contagio. Segun Wever, e miedo pa paga cuenta pa no corta coriente y awa p.e. no ta un punto pasobra a anuncia caba cu no ta bay corta esaki. Pues no tin rush pa bay paga aworaki. Si e rij ta largo, bay cas y bin bek despues, of paga esaki online segun Wever. Como tal, a dicidi pues riba e regla pa evita rij largo di hende.