Coronavirus a pone mas ciudadanonan cu normal haci ehercicio

ORANJESTAD – For di momento cu Aruba a bay den un tipo di ‘lockdown’, e situacion entre toque de queda y Shelter in Place, ta mustra cu mayoria di e ciudadanonan a dicidi di cambia nan bida y cuminsa haci mas ehercicio. Un cantidad hopi mas grandi di hende a cuminsa haci ehercicio riba caminda. Sea pa ta un ‘excusa saludabel’ pa sali di cas, of ya cu no tin otro cos pa haci, ta resorta na e pensamento di ‘awor ta e momento pa nos bay haci algo pa nos salud’. Notable ta riba varios parti di Palm Beach y Oranjestad (tambe otro parti di nos isla), a nota un aumento na movecion di ciudadanonan den ora di atardi. Tanto riba beach, como usando e facilidadnan ‘nobo’ manera Watty Vos Boulevard, Green Corridor, y e popular Linear Park. Pero banda di hotelnan na Palm Beach y Eagle Beach tambe a nota un aumento di hende y mucha usando e tempo pa ‘los e pianan’ y sali for di cas un rato, prome cu toque de queda drenta na vigor pa ora di anochi.