Casi mitar di casonan di coronavirus positivo na Aruba a contrae esaki localmente

ORANJESTAD – Casi mitar di e casonan di coronavirus positivo na Aruba, a contrae esaki localmente. Asina informacion di Departamento di Salud ta indica. Segun cifranan di e departamento di salud, 25 hende di esnan contagia, no tabatin historia di biahe, pues nan a contagia localmente na Aruba. E grupo cu a contagia via importacion, ta 15 hende. Investigacion ta andando riba e otro caso nan mas recien pa averigua si esaki nan ta local of importa. E edad tambe ta interesante si mira cu esun mas hoben tin 11 aña y esun mas bieu tin 74. Y den e caso di esnan hospitalisa, e edad tambe ta varia.