Cantidad di detenido durante toque de queda a baha te 16

Cantidad di detenido durante toque de queda a baha te 16

Posted on 03/30/2020 9:18 am AST | Updated on 03/30/2020 9:19 am AST

ORANJESTAD – E cantidad di detencion relaciona cu e toque de queda pa e crisis di coronavirus, a baha te na 16 durante e di 9 anochi. Asina vocero di polis Lito Laclé a confirma dialuna mainta. A haci un siman diadomingo cu gobierno a implementa esaki debi na e crisis. For di e prome dia, un cantidad basta grandi di persona a keda deteni y e cifra diariamente a keda fluctua basta halto. Notable ta cu ningun dia esaki tabata 0, pero tabata subi y baha. Y tambe mayoria di e detencionan tabata sosode den e prome oranan cu e toque de queda drenta na vigor. De hecho, e prome detencionan tabata cay semper algun minuut despues di e toque de queda drenta na vigor tur anochi. E medida aki ta keda na su lugar por lo pronto, y ta papia di posibel extencion cu 2 siman. E prome anuncio tabata cu e medida tabata te dia 31 di maart 2020, pero mirando e comportacion di nos comunidad, y e aumento di caso positivo, a prolonga esaki. NOTA: E potret ta di un detencion di e prome anochi di toque de queda. 

  • Motorciclista ta dal tras di auto banda di ex Setar Store na Playa

    Motorciclista ta dal tras di auto banda di ex Setar Store na Playa

    ORANJESTAD – Un motorciclista (MFA 1876) awe mainta algo prome cu 11'or a accidenta ora cu el a dal dras di un auto y keda herida na altura di ex Setar Store na fin di caya grandi. Parce cu e chauffeur di e auto kier a bay bira y e motorcicilista lo no a wak esaki na tempo. Tabatin dos ambulance cu a presenta pa duna atencion medico.  

  • Mucha di 2 aña ta hoga den pool na Papilon

    Mucha di 2 aña ta hoga den pool na Papilon

    ORANJESTAD - Diadomingo atardi pa 2:02 central di polis ta wordo notifica door alarm central cu un mucha lo a haya problema den pool na un cas na Papilon na Sta Cruz. Di biaha ta despacha un patruya na e cas. Na yegada di patruya ta encontra cu personal di ambulance na unda cu a informa cu nan ta bay cu e mucha muhe di dos aña di edad cu urgencia pa hospital. 

  • KPA: Departamento di rijbewijs ta habri bek 1 juni 2020

    KPA: Departamento di rijbewijs ta habri bek 1 juni 2020

    MACUARIMA - Cuerpo Policial Aruba  ta informa cu desde 1 juni 2020 su departamento di rijbewijs lo ta den funcionamento bek.  Teniendo cuenta cu e normal nobo , nos kier a informa lo siguiente. E candidatonan cu tabata tin fecha pa cu examen teoretico  prome cu e Covid 19 lo wordo contacta prome y  duna un fecha nobo pa cu esaki.

  • Intento di atraco arma na un cas na Balashi

    Intento di atraco arma na un cas na Balashi

    BALASHI - Awe pa 2 or pm central di polis a wordo notifica cu un atraco a tuma lugar na un cas na Balashi. Na yegada di e prome patruya por a bin compronde cu 3 hende homber habla spaño y cu un arma di candela lo a drenta e cas y mara e habitante. E atracadornan no a logra bay cu nada.  E atracadonan lo a hasi uso di un auto color shinishi pa cu e atraco aki. Atraco Team , polis tecnico y slachtofferhulp a presenta na e sitio di e sucedido .Cuerpo Policial ta haci un peticion es cu a wak algo of sa algo jama e tiplijn di polis cu ta 11141. Bo anonimidad ta wordo garantisa.

  • Atraco arma na un apartamento na Paramira

    Atraco arma na un apartamento na Paramira

    ORANJESTAD - Dialuna anochi pa 9:25 central di polis ta wordo notifica cu un atraco a tuma lugar na un apartamento na Paramira. Na yegado di e prome patruya por a bin compronde cu 3 hende homber cara tapa habla spaño y cu un arma di candela y cuchiu lo a drenta e apartamento y mara e habitantenan . Nan lo a bay cu mas cu afl 1000,- , joyas y dos cellular. Nan lo a usa e auto para den e cura di e apartmento pa huy . Ta trata di un Nissan March color cora kima numera A-51271. Atraco Team , polis technico y slachtofferhulp a presenta na e sitio di e sucedido .  Un rato despues central di polis ta wordo notifica cu e auto nissan march a wordo encontra no altura di Modanza. E auto encuestion a wordo confisca. Unidadnan di polis riba caya ta enbusca di e sospechosonan di e atraco. Cuerpo Policial ta haci un peticion es cu a wak algo of sa algo jama e tiplijn di polis cu ta 11141. Bo anonimidad ta wordo garantisa.

  • Lui Larez ta bira di 3 morto di trafico di Aruba pa 2020

    Lui Larez ta bira di 3 morto di trafico di Aruba pa 2020

    ORANJESTAD - Luisan 'Lui' Larez a bira e di 3 morto di trafico pa Aruba pa 2020. Dialuna atardi noticiacla.com a haya confirmacion di vocero suplente di polis Liliana Rasmijn, cu Lui a fayece a consecuencia di e slanan cu el a ricibi di e accidente diasabra anochi cu ya caba a cobra un victima caba. Ora di e accidente, a bira conoci cu Lui su situacion tabata critico y tabata bringando pa su bida den cuido intensivo di hospital. Pero lamentablemente e no a sobrebibi. Noticiacla.com ta manda palabra di condolencia na famia di e fayecida. 

  • Powered by SETAR