Fila hopi largo pa cumpra gas na Barcadera awe mainta atrobe

BARCADERA – For di diabierna caba, e compania di utilidad Arugas a haye cu un avalancha di ciudadano cu a acudi na e lugar pa cumpra gas. E acto aki a causa filanan hopi largo mes cu tabata bira te bay den un otro lugar centenares di meter mas leu. Interesante di esaki ta cu Arugas a anuncia debidamente cu e lugar lo keda habri otro siman, pues no tin necesidad pa aglomera manera ta haciendo aworaki pa haya gas. Aparentemente esaki no tabatin efecto y diasabra mainta un biaha mas, manera e potretnan di drone di noticiacla.com ta mustra.