Aruba su casonan positivo di coronavirus awor a bira 40

ORANJESTAD – Aruba a conoce 7 caso positivo di coronavirus diasabra mainta. E ta aumenta e cantidad di caso confirma na 40. Asina e portal di departamento di salud ta informa diasabra mainta. Diabierna atardi e cifra a subi cu 5 te na 33. Pues ta conociendo un aumento tur dia, no obstante e medidanan cu a wordo tuma. Mes momento gobierno a confirma cu esaki lo por presenta, mirando cu a cuminsa intensiva e cantidad di testing. Cu e aumento  aki, e chens obviamente ta cu e cantidad por aumenta. No tin detayes si di e casonan nobo aki, y ta mas probable cu pa 2’or di atardi lo informa mas riba e informacion aki.