Laboratorio Familiar a wordo re-acredita segun standard ISO

 ORANJESTAD - I.L. Laboratorio Familiar N.V. y su directora Lic. Irene van der Linde, a ricibi e grato noticia di A2LA, e organization di acreditacion na USA, cu Laboratorio Familiar a wordo re-acredita conforme standards di ISO 15189:2012. Pa Laboratorio Familiar e logro aki ta un muestra cu e laboratorio ta cumpli tur dia cu tur e standards cu International Organzation for Standarization (ISO) a establece mundialmente. E acreditación aki tambe ta demostra e trabao duro cu e laboratorio a hinca den e proceso di cuido di salud pa añanan largo pa garantiza calidad tras di cada un di e resultadonan.

E beneficio di e acreditación aki pa Laboratorio Familiar ta cu e grupo di expertonan aki a bin di USA (merca) y cu un bista hopi critico nan ta evalua e sistema di calidad di e laboratorio. E acreditación aki tambe ta sirbi como un herment pa e mercadeo di Laboratorio Familiar, dunando e comprobacion cu e resultadonan cu ta wordo entrega diariamente ta di calidad halto y ta di confia.

E di 4 acreditación ta un logro sumamente importante pa nan, ya cu esun aki tabata un versión nobo di ISO cu exigencianan hopi mas difícil. Laboratorio Familiar y su tremendo teamwork a sa di traha sumamente duro e ultimo 2 añanan aki pa logra esaki. Hopi mas enfasis a wordo poni riba calidad y hopi recurso a wordo inverti pa sigura esaki tur dia. Tambe hopi atención a wordo poni riba henter e personal cu mester traha na un manera profesional pero tambe