Botica di Servicio, cu nan implementacion di ‘delivery service’, ta demostra un biaha mas cu servicio excepcional ta nan prioridad pa nan miembronan

(ADVERTORIAL)

ORANJESTAD- Botica di Servicio ta aplicando medidanan necesario den e temporada di COVID-19. Tur e boticanan ta aplicando e medidanan di tuma distancia na manera di un t-shirt nan ta indicando pa tuma distancia, sticker ariba vloer cu ta indica tuma distancia for di otro clientenan, y tambe cu un glas entre e cahera y cliente. 

Awo Botica di Servicio tambe lo ta ofreciende ‘Next Day Delivery Service’ pa tur miembronan di Botica di Servicio ariba di edad di 65, cu ta malo na cas y cu ta den quarantaine. Pa hasi uzo di esaki lo ta lo siguiente:

1.      Puntra bo dokter di cas pa pone DELIVERY riba bo recepta, Botica di Servicio lo tuma contacto cubo via telefon, of si bo kier un recepta wordo hiba na bo cas por manda un e-mail na bo botica;

eagle@boticadiservicio.com

noord@boticadiservicio.com

maria@boticadiservicio.com

seroepreto@boticadiservicio.com

2.      Pa mas informacion por yama na 6408443;

3.      E ‘driver’ lo tuma contacto cu bo persona ora e ta dilanti di e cas;

4.      Por favor coopera cu mantene distancia y sigui protocol cu ta wordo avisa;

5.      E ‘driver’ lo purba di ‘deliver’ un biaha so, si e persona no ta na cas, e lo mester bai busca e recepta na su botica. 

Si e remedi no ta di emergencia, e remedi lo wordo ‘delivered’ riba e proximo dia. Pa remedinan cu no ta wordo cubri completamento dor di AZV, lo por paga cu ATM. Placa ‘cash’ no ta wordo acepta. 

Botica di Servicio. ta desea e pueblo di Aruba hopi forsa durante e momentonan difícil aki y cu cooperacion di un y tur, Aruba lo sa di prevalece.