Charter cu 33 cliente di AZV ta yega for di Colombia awe

ORANJESTAD – Tin un grupo di 33 cliente di AZV ta yegando Aruba for di Colombia awe tardi. Asina AZV a informa  pa medio di nan vocero Solange Tchong. AZV a regla e charter di SARPA cu lo yega 5or di atardi for di. AZV ta spera pa cada cliente di AZV cu yega for di Colombia mantene nan mes na e instruccionnan di Departamento di Salud Publico y pues cumpli cu keda cas, y cu esey nan kier men cuarentena obligatorio. 

PASHENTNAN CU MESTER HAYA TRATAMENTO DEN EXTERIOR:

Door cu e frontera cu Colombia ta cera no ta posibel pa manda pashent nobo Colombia sin mas. AZV ta bezig hunto cu gobierno di Aruba pa bin na otro solucion pa loke ta casonan di extremo urgencia y cu no tin coronavirus. Ta importante pa cada cliente di AZV corda di tin nan paspoort na ordo, esta valido. 

PASHENTNAN PENDIENTE PA HAYA TRATAMENTO DEN EXTERIOR 

Pashentnan pendiente pa haya tratamento den exterior cu no ta urgente (no ta casonan di bida y morto) lo mester warda por lo pronto.