Aruba a conoce su di 1 miyon bishitante stay over

ORANJESTAD - Aruba a conoce su di 1 miyon bishitante stay over diaranson merdia. Y a resulta cu Nina Dhaliwal tabatin e suerte. Hunto cu su pareha Vic Tung, procedente for di New York, Dhaliwal a haya su mes mey mey di e celebracion di 1 miyon bishitante. Nina y su pareha Vic Tung a yega Aruba pa prome biaha y e premiacion tabata un sorpresa total pa nan. a haya e sorpresa di ta e di 1 miyon bishitante stay over cu a yega Aruba e aña aki. Nan a wordo ricibi pa tur e dignatarionan y entidadnan di turismo acompaña pa brassband y grupo di baile cu trahenan tipico di nos Carnaval. E pareha hoben a haya un bon bini di VIP y a wordo guia pa e Sculpture Garden na aeropuerto unda e demas invitadonan tabata warda pa yama nan bon bini. Cu un sonrisa grandi riba nan cara y baliando riba ritmo di brassband Nina y Vic tabata sinti nan mes hopi contento di a ricibi e honor aki.