Orario di duna update pa cu COVID-19 ta cambia dialuna

ORANJESTAD – Gobierno a tuma e desicion pa trece cambio den e orario di update COVID-19. Esaki lo no tuma lugar mas 7:00 di anochi pero desde dialuna dia 30 di maart lo tuma lugar  den e conferencia di 2:00 di merdia. Y lo pone riba website di DVG pa loke ta e coronavirus, cu ta www.arubacovid19.org. Di e manera aki e grupo di Departamento di Salud por garantisa un trabou eficiente di parti personal di servicio di malesanan infeccioso unda cada un pashent por ricibi e atencion nesesario.

MAS ACTIVO DEN BUSKEDA

Manera cu Departamento di Salud Publico y Gobierno di Aruba a anuncia, actualmente ta activamente enbusca di casonan positivo den nos comunidad, pa di e forma aki  trata na contene e transmision di COVID-19 bou nos comunidad. 

AUMENTO DI CASO

Esaki lo nifica aumento den cifrasnan di caso y aumento den personanan cu mester wordo poni den cuarentena y isolacion. Esaki ta nifica no solamente hopi trabou administrativo pa servicio di malesanan infeccioso pero cada pashent tin derecho di ricibi resultado di su test prome cu esaki wordo anucia publico y mester haya tur atencion nesesario cu ta rekeri den e situacion aki. 

CAMBIO DI ORARIO

Pues pa e motibonan menciona a tuma e desicion pa trece cambio den e orario di update COVID-19. Esaki lo no tuma lugar mas 7:00 di anochi pero desde dialuna dia 30 di maart lo tuma lugar  den e conferencia di 2:00 di merdia. Di e manera aki  por garantisa un trabou eficiente di parti personal di servicio di malesanan infeccioso. Unda cada un pashent por ricibi e atencion nesesario.