Aruba a yega 28 caso positivo total di coronavirus

Aruba a yega 28 caso positivo total di coronavirus

Posted on 03/26/2020 7:22 pm AST | Updated on 03/26/2020 8:19 pm AST

ORANJESTAD – Aruba a yega un total di 28 caso positivo di coronavirus, di cual 9 ta nobo, pues a bin acerca. Asina prome minister Evelyn Wever a bisa durante su briefing di diahuebs anochi. For di e grupo aki, 6 ta bin di un solo lugar, cu ta e facilidad Respaldo na Hospital. E dokter di e facilidad, dr van Galen, ta sigura cu 'uno ta un tiki malo, 2 otro a practicamente cura caba,  y 2 otro ta malo di cual uno a bay hospital y e otro ta na respaldo mes.'.E regla nobo, a consecuencia di e aumento di caso aki di prohibi di sali for di bo cas, ta bin na vigor diadomingo marduga. 

  • Maduro: Aruba no tin buffer pa un plan manera Hulanda pa supera coronavirus

    Maduro: Aruba no tin buffer pa un plan manera Hulanda pa supera coronavirus

    ORANJESTAD – Paisnan rond mundo manera Hulanda, Alemania, Francia y hasta islanan BES, Corsou y St Maarten ta usando of lo usa un plan economico di recuperacion unda cu ta scohe pa subsidia e negoshinan cu fondo pa nan sigui paga salario (limita) di e trahadonan. Aruba, sinembargo a opta diferente unda cu a opta pa paga e salario limita directo na e trahado. Por lo menos un gremio comercial ta pro pa e ‘version’ internacional manera Hulanda y otro paisnan menciona a opta pe. E minister di Finanza encarga, Xiomara Maduro, sinembargo a mustra pakico nan no por usa e ‘plan’ ey.  

  • Maduro: Kier forma comision cu gremionan commercial pa yuda crisis coronavirus

    Maduro: Kier forma comision cu gremionan commercial pa yuda crisis coronavirus

    ORANJESTAD - Minister Xiomara Maduro a haci un invitacion na gremio comercial pa hunto cu e departamentonan di Gobierno forma parti di un comision pa presenta un plan con pa ehecuta e yudansa necesario. Dialuna Minister Maduro a reuni via Zoom cu gremio comercial ATIA, Camara di Comercio y AHATA hunto cu Departamento Economico, Departamento di Estadistica, Departamento di Finanzas y Innovation Officer, riba e yudansa cu Gobierno kier brinda pa e negoshinan chikito y mediano pa enfrenta e crisis cu  COVID-19 ta trece cune.

  • Gobierno ta ‘waive’ suma di 175 miyon dollar pa CITGO Aruba

    Gobierno ta ‘waive’ suma di 175 miyon dollar pa CITGO Aruba

    ORANJESTAD – Mei mei di e crisis di coronavirus, Gobierno ta atendiendo e asunto di CITGO Aruba Refinery tambe. Den cuadro di esaki, Gobierno a entrega un peticion na Parlamento pa ‘waive’ e suma di 175 miyon dollar cu CITGO Aruba Refinery lo mester a paga, y a cambio por haya control di e refineria. Asina prome minister Evelyn Wever Croes a confirma den un programa di radio na Top FM diamars mainta. Ademas Wever a confirma cu a logra pa CITGO paga Aruba 16 miyon na impuesto, enves di e algo mas di 17 miyon cu nan lo tabata debe. Placa awor cu segun Wever, ta hopi ‘welcome’. 

  • Wever: Taskforce special lo controla esnan den cuarentena estrictamente

    Wever: Taskforce special lo controla esnan den cuarentena estrictamente

    ORANJESTAD – Gobierno a institui un Cuarentena Taskforce, cu e meta pa controla e grupo grandi di esnan den cuarentena, mas estricto. E taskforce ta forma pa miembronan di DVG y Cuerpo policial. Asina prome minister Evelyn Wever Croes a informa durante di e briefing di dialuna anochi riba coronavirus. 

  • Minister a revoca su carta di paro di overtime pa maestronan

    Minister a revoca su carta di paro di overtime pa maestronan

    ORANJESTAD – E carta cu minister di Enseñansa Rudy Lampe a manda pa mundo di enseñansa den fin di siman riba e.o. paro di overtime, a keda revoca. Asina e mandatario a bisa den un carta diadomingo anochi. Segun e mandatario, ta revoca e carta, pendiente un negosacion grandi pa un pakete global cu ta inclui tur departamento, incluyendo enseñansa. Segun Lampe, prome minister lo presidi e negosacionan aki pa un pakete di solidaridad. Sindicato Simar cu mesora a protesta e carta inicial, a aplaudi e gesto aki mesora tambe diadomingo. No ta conoci ki di e negosacionan aki lo tuma lugar. E intencion di e prome carta tabata pa e medidanan implementa pa Lampe drenta na vigor ‘per direct’, mirando e situacion actual. Lesa e carta nobo di minister Lampe AKI. 

  • Cu 6 caso extra, Aruba tin 52 caso positivo total di coronavirus

    Cu 6 caso extra, Aruba tin 52 caso positivo total di coronavirus

    ORANJESTAD – Aruba a haya 6 caso mas positivo di coronavirus diadomingo pa un total di 52 caso. For di diabierna caba, gobierno pa medio di departamento di salud, ta actualisa e cifranan awor via website, envez di warda pa e briefing dos biaha pa dia. Y asina ta haya sa mas tempran di tur e casonan cu Aruba ta ricibi. 

  • aruba airlines
  • Powered by SETAR