Mayoria di hotel na Aruba a ‘suspende’ nan operacion

ORANJESTAD – Mayoria hotel na Aruba (no timeshare) a suspende nan operacion debi na coronavirus. Te cu awe diahuebs, tin apenas 6 turista reparti den tres hotel, (di 20 hotel cu tin na Aruba cu no ta timeshare y miembro di AHATA). Tur otro ta cera. Ta un bista straño pa mira hotelnan cu sea baricada of heki y e ‘cones’ di trafico na porta of entrada di e hotel pa indica cu e hotel no ta ‘habri’. 

Gran parti di e hotelnan ya caba a stop di opera for di dialuna ultimo. E hotelnan ey tabata 

Boardwalk, Manchebo, Hyatt, Brikel, Divi Dutch Village, Barcelo, e dos Riu’nan, y awor tambe e dos hotelnan Renaissance. Esnan cu a stop nan operacion a manda mayoria di personal cas y a keda solamente cu personal di seguridad y algun di limpiesa. No ta conoci pa ki tempo nan lo reanuda operacion y ta pendiente e lockdown di buelonan pa Aruba dura. Potret cortesia Anna Carlota Ellis.