CMB a introduci limite pa lanta placa cash pa evita aglomeracion

CMB a introduci limite pa lanta placa cash pa evita aglomeracion

Posted on 03/26/2020 10:16 am AST | Updated on 03/26/2020 10:16 am AST

(ADVERTORIAL)

ORANJESTAD - Den linea cu e desaroyonan di e pandemia di Coronavirus (COVID-19), Caribbbean Mercantile Bank N.V.  lo tuma medidanan estricto pa asina evita aglomeracion di hende na su sucursalnan y promove digital banking pa evita contacto y asina evita contagio cu e coronavirus.

1. Lanta Placa den un Branch: Maximo Afl. 1,000.00

Clientenan lo por  lanta placa cash te cu un maximo di 1,000.00 florin pa dia.

2. Lanta Placa for di un ATM: Te Cu Maximo Afl. 1,850.00

Nos machinenan di Bancomatico ATM ta permiti lanta efectivo te cu un maximo di 1,850.00 florin pa dia.

3. Afl. 2,000.00 of mas: EXCLUSIVAMENTE cu afspraak.

Porfabor manda nos un email na [email protected] pa asina nos evalua bo peticion y haci e areglonan pa duna bo un afspraak.

4. Pedidanan pa Moneda (Placa Los)

Tur nos clientenan comercial cu ta haci pedidanan di placa los (moneda) ta wordo atendi exclusivamente cu afspraak. Porfabor manda nos un email na e adres menciona aki’riba.

5. Depositonan di Negoshi via “Night Depository”

Cuminsando 26 di maart 2020,  nos lo stop di tuma depositonan di cash for di negoshinan. Por fabor haci uso di nos servicio di Night Depository. Si acaso bo no tin Night Depository ainda, nos lo asisti bo pa yega na esaki, pero porfabor manda nos un email pa un afspraak na [email protected] pa haci e areglonan necesario.

Pa proteccion y seguridad di nos clientenan y conforme informacion di autoridadnan di salubridad, nos lo permiti solamente un cantidad limita di cliente pareu den cada sucursal.

Nos ta suplica nos cliente y bishitantenan pa por fabor sigui e instruccionnan di nos cuerpo di seguridad.

Nos ta pidi encarecidamente na nos clientenan pa haci mas uso posibel di nos servicionan electronico manera por ehempel Online Banking, Mobile Banking, Fuel Up pa yena gasolin y por haci pago cu bo Bancomatico Debit Card y tambe si mester usa machinenan di ATM.

  • Papel di 100 florin nobo di Aruba a gana premio prestigioso

    Papel di 100 florin nobo di Aruba a gana premio prestigioso

    ORANJESTAD  – International Bank Note Society (IBNS) a anuncia cu Banco Central di Aruba (BCA) a gana e premio prestigioso “Bank Note of the Year Award” pa 2019. Ta trata di e diseño di e papel di 100 florin nobo cu a keda presenta aña pasa juni.  E color di e placa ta dominantemente berde, cu ta representa e habitat natural di diferente especie di Aruba su flora y fauna. A nomina Aruba for di 22 pais, y a haci un mencion bunita di e placa aki

  • Operacion di Aeropuerto Reina Beatrix afecta drasticamente debi na coronavirus

    Operacion di Aeropuerto Reina Beatrix afecta drasticamente debi na coronavirus

    ORANJESTAD - Operacion di Aeropuerto Reina Beatrix por ta bek na normalidad pa fin di aña awor. Asina e CEO Joost Mijes a declara, relaciona cu e retonan cu e aeropuerto ta confronta pa cu e coronavirus. 

  • Rifa di Colegio Arubano aplasa cu 2 luna debi na coronavirus

    Rifa di Colegio Arubano aplasa cu 2 luna debi na coronavirus

    ORANJESTAD - Pa motibo di e medidanan pa cu e Covid-19 virus, e rifa di Colegio Arubano H4/V5 project  di 3 April 2020 ta aplasa pa tentativamente diabierna 5 Juni 2020. Asina SMOA a informa diahuebs mainta. 

  • ATIA: Sector publico tambe mester entrega

    ATIA: Sector publico tambe mester entrega

    ORANJESTAD – E gremio commercial ATIA a tuma nota di un carta cu sindicatonan a manda pa gobierno relata na cierto expresionan cu Minister President a hasi, caminda ta duna di conoce cu tur Parlamentario, Ministernan y empleadonan publico lo mester bay entrega. Den e carta aki, e sindicatonan ta duna di conoce den nan palabranan:” na cualkier momento cu gobierno kier mishi cu e posicion huridico di empleadonan publico, esaki mester ta a base di acuerdo cu sindicatonan!”. E tono ta duna di conoce caba cu lo no ta un lucha fasil segun ATIA su comunicado.

  • Imagen di hotelnan cera na Aruba ta keda uno surreal

    Imagen di hotelnan cera na Aruba ta keda uno surreal

    PALM BEACH – E bista di hotelnan cera cu sea baricada of marca cu pion, y parkinglot completamente bashi, ta keda uno surreal pa hopi. Nunca antes a nota un situacion asina cu tur hotel (Lo-rise y High-rise) ta cera visiblemente cu barica na Aruba. Ni tempo di e siman di 9/11 unda cu pa un siman casi avionan a stop di bula for di y pa Merca debi na e confusion di terror cu a surgi despues. Aworaki, e situacion ta otro unda cu e sector hotelero a conoce un cierre total, unda cu excepcion di personal di seguridad y mantenimiento, tur hotel ta porta duro cera. Un situacion cu lo por keda asina pa sigur dos pa tres luna. Por lo menos, te ora cu frontera habri y avionan di Merca y otro destinacion cuminsa bula bek pa Aruba. Y ora cu esaki sosode, spera cu e avionan bin cu turista. Pasobra na final di cuenta, ta turista ta loke e hotel mester pa por habri, y pa por emplea nos hendenan bek. 

  • CMB: Informacion pa pensionadonan cu cuenta na Caribbean Mercantile Bank N.V.

    CMB: Informacion pa pensionadonan cu cuenta na  Caribbean Mercantile Bank N.V.
  • Powered by SETAR