Gobierno evaluando pa prolonga ciere di scolnan pa coronavirus

Gobierno evaluando pa prolonga ciere di scolnan pa coronavirus

Posted on 03/25/2020 7:30 pm AST | Updated on 03/25/2020 7:34 pm AST

ORANJESTAD – Gobierno ta evaluando pa extende e cierre di scolnan pa te despues di vacantie di pasco grandi (paasvakantie) cu ta dialuna 20 di april proximo (vakantie mes ta caba diabierna 17 di april proximo). Asina prome minister Evelyn Wever Croes a bisa durante di e briefing riba coronavirus diaranson anochi. E decision no a cay ainda, pero mirando e aumento di caso, no ta mira  momento pa ‘suavisa’ e medidanan tuma. Minister di enseñansa lo haci e anuncio si esaki bira un hecho segun e prome mandatario. No ta exclui cu mas medida tuma, lo keda prolonga. E situacion pa scolnan awor ta cu nan ta keda cera te dia 31 di maart proximo. 

  • Maduro: Aruba no tin buffer pa un plan manera Hulanda pa supera coronavirus

    Maduro: Aruba no tin buffer pa un plan manera Hulanda pa supera coronavirus

    ORANJESTAD – Paisnan rond mundo manera Hulanda, Alemania, Francia y hasta islanan BES, Corsou y St Maarten ta usando of lo usa un plan economico di recuperacion unda cu ta scohe pa subsidia e negoshinan cu fondo pa nan sigui paga salario (limita) di e trahadonan. Aruba, sinembargo a opta diferente unda cu a opta pa paga e salario limita directo na e trahado. Por lo menos un gremio comercial ta pro pa e ‘version’ internacional manera Hulanda y otro paisnan menciona a opta pe. E minister di Finanza encarga, Xiomara Maduro, sinembargo a mustra pakico nan no por usa e ‘plan’ ey.  

  • Maduro: Kier forma comision cu gremionan commercial pa yuda crisis coronavirus

    Maduro: Kier forma comision cu gremionan commercial pa yuda crisis coronavirus

    ORANJESTAD - Minister Xiomara Maduro a haci un invitacion na gremio comercial pa hunto cu e departamentonan di Gobierno forma parti di un comision pa presenta un plan con pa ehecuta e yudansa necesario. Dialuna Minister Maduro a reuni via Zoom cu gremio comercial ATIA, Camara di Comercio y AHATA hunto cu Departamento Economico, Departamento di Estadistica, Departamento di Finanzas y Innovation Officer, riba e yudansa cu Gobierno kier brinda pa e negoshinan chikito y mediano pa enfrenta e crisis cu  COVID-19 ta trece cune.

  • Gobierno ta ‘waive’ suma di 175 miyon dollar pa CITGO Aruba

    Gobierno ta ‘waive’ suma di 175 miyon dollar pa CITGO Aruba

    ORANJESTAD – Mei mei di e crisis di coronavirus, Gobierno ta atendiendo e asunto di CITGO Aruba Refinery tambe. Den cuadro di esaki, Gobierno a entrega un peticion na Parlamento pa ‘waive’ e suma di 175 miyon dollar cu CITGO Aruba Refinery lo mester a paga, y a cambio por haya control di e refineria. Asina prome minister Evelyn Wever Croes a confirma den un programa di radio na Top FM diamars mainta. Ademas Wever a confirma cu a logra pa CITGO paga Aruba 16 miyon na impuesto, enves di e algo mas di 17 miyon cu nan lo tabata debe. Placa awor cu segun Wever, ta hopi ‘welcome’. 

  • Wever: Taskforce special lo controla esnan den cuarentena estrictamente

    Wever: Taskforce special lo controla esnan den cuarentena estrictamente

    ORANJESTAD – Gobierno a institui un Cuarentena Taskforce, cu e meta pa controla e grupo grandi di esnan den cuarentena, mas estricto. E taskforce ta forma pa miembronan di DVG y Cuerpo policial. Asina prome minister Evelyn Wever Croes a informa durante di e briefing di dialuna anochi riba coronavirus. 

  • Minister a revoca su carta di paro di overtime pa maestronan

    Minister a revoca su carta di paro di overtime pa maestronan

    ORANJESTAD – E carta cu minister di Enseñansa Rudy Lampe a manda pa mundo di enseñansa den fin di siman riba e.o. paro di overtime, a keda revoca. Asina e mandatario a bisa den un carta diadomingo anochi. Segun e mandatario, ta revoca e carta, pendiente un negosacion grandi pa un pakete global cu ta inclui tur departamento, incluyendo enseñansa. Segun Lampe, prome minister lo presidi e negosacionan aki pa un pakete di solidaridad. Sindicato Simar cu mesora a protesta e carta inicial, a aplaudi e gesto aki mesora tambe diadomingo. No ta conoci ki di e negosacionan aki lo tuma lugar. E intencion di e prome carta tabata pa e medidanan implementa pa Lampe drenta na vigor ‘per direct’, mirando e situacion actual. Lesa e carta nobo di minister Lampe AKI. 

  • Cu 6 caso extra, Aruba tin 52 caso positivo total di coronavirus

    Cu 6 caso extra, Aruba tin 52 caso positivo total di coronavirus

    ORANJESTAD – Aruba a haya 6 caso mas positivo di coronavirus diadomingo pa un total di 52 caso. For di diabierna caba, gobierno pa medio di departamento di salud, ta actualisa e cifranan awor via website, envez di warda pa e briefing dos biaha pa dia. Y asina ta haya sa mas tempran di tur e casonan cu Aruba ta ricibi. 

  • aruba airlines
  • Powered by SETAR