Elmar: Debi na coronavirus a cera tur su oficinanan

Elmar: Debi na coronavirus a cera tur su oficinanan

Posted on 03/25/2020 4:37 pm AST | Updated on 03/25/2020 4:46 pm AST

(ADVERTORIAL)

ORANJESTAD - Elmar como un compania di vital importancia pa distribui coriente na comunidad, mester proteha su empleado pa nan pa por sigi suministra coriente.

Por medio di e cumunicado aki, N.V. Elmar ta desea di aclarea e motibo pakiko a bai over na cera nos oficinanan te un proximo aviso. 

Tur luna un gran cantidad di cliente di N.V. Elmar y WEB Aruba N.V. ta bishita un di e tres oficinanan di N.V. Elmar pa hasi pago di nan cobransa di awa y coriente.  Ultimo simannan nos a tuma varios medida di precaucion pa proteha nos empleado y tur cliente nan cu ta bishita un di nos oficinanan. Sinembargo ta importante pa splica cu N.V. Elmar, como compania di vital importancia pa cu distribucion di coriente na Aruba, mester proteha su empleadonan tambe pa por sigui garantisa e distribucion di coriente continuo y di calidad.  E factor humano ta keda importante den e proceso di distribucion di coriente, particularmente na momento cu mester reestablece e distribucion por ehempel den caso di un interupcion den nos red di coriente. 

Considerando cu e virus COVID 19 ta plamando na un forma bastante acelera bou di nos comunidad y teniendo na cuenta e gran cantidad di cliente cu ta bishita nos oficina pa hasi pago,  N.V. Elmar a haya su mes forsa pa aumenta e medidanan di precaucion particularmente pa proteha su empleadonan. Esaki a trese cune cu nos a cera tur nos oficinanan pa publico desde diaranson, 25 di maart te na un proximo aviso. Realidad ta cu COVID 19 no ta plama riba su mes, pero ta ser humano ta plama e virus. 

Nos ta compronde cu e decision aki ta trese hopi inconveniencia cune pa cu hopi cliente di ELMAR y WEB cu tin custumber di paga nan factura na un di nos oficinanan.  N.V. Elmar lo tene cuenta cu e situacion aki y lo reanuda servicio di caha na momento cu esaki ta posibel atrobe. 

Mientrastanto por comunica cu nos durante dia via Call Center na 523 7100 y via email [email protected]

Nos ta pidi comprension pa e situacion aki. 

 

 

  • Pronk: Por cera negoshi cu no cumpli cu p.e. regla pa social distancing

    Pronk: Por cera negoshi cu no cumpli cu p.e. regla pa social distancing

    ORANJESTAD – E negoshinan cu no ta cumpli cu e reglanan stipula durante e periodo di crisis di coronavirus, lo por haya multa. Asina fiscal Yolanda Pronk a bisa durante e briefing di coronavirus diasabra anochi. A nota cu tin lugarnan cu por ta habri, y ta considera como esencial, pero no ta cumpli cu nan reglanan. Como tal e lugarnan aki por haya nan mes cu multa pa esaki. Lo por te hasta cera e negoshi temporalmente te ora cu e asuntonan cu no ta corecto, keda regla. Por pensa riba e.o. e medidanan introduci den e negoshi pa regla p.e. social distancing. A nota cu hopi hende no ta cumpliendo cu social distancing y tampoco e negoshi. Como tal, segun Pronk, a opta pa adapta e ley na vigor diasabra marduga pa por atende e negoshinan cu e aspecto aki tambe. 

  • A cera 17 negoshi cu a viola regla di 'Shelter in Place'

    A cera 17 negoshi cu a viola regla di 'Shelter in Place'

    ORANJESTAD – Durante un control diasabra na 33 establecimento, 17 di nan a wordo cera temporalmente. Esaki den cuadro di e crisis di coronavirus. Asina prome minister di Aruba Evelyn Wever Croes a confirma diasabra anochi durante e briefing diario riba e crisis. E task force cu ta consisti di polis y personal di departamento di salud, ta vigila e negoshinan.  Ta trata di negoshinan cu sea no tabata esencial pero a opta pa habri toch, of negoshinan esencial pero cu no a cumpli cu p.e. social distancing. A compronde cu 5 negoshi a haya multa tambe aunke no a specifica cuanto e multa tabata. 

  • Servicio di AZV ta sigui via telefon of email so

    Servicio di AZV ta sigui via telefon of email so

    (ADVERTORIAL)

  • Casonan positivo di coronavirus a subi te na 64

    Casonan positivo di coronavirus a subi te na 64

    ORANJESTAD - E cantidad di casonan positivo di coronavirus diasabra a aumenta cu dos pa bira un total di 64 caso confirma. Mas detayes ta keda duna despues. Mes momento DVG a desmenti e rumor cu a plama di un brote pisa di e virus na Savaneta. Enberdad tin un caso eynan pero no manera ta wordo papia di cu 5 cas y 40 persona lo ta contagia.

  • Cantidad di pashent hospitalisa cu coronavirus na Aruba a bira 9

    Cantidad di pashent hospitalisa cu coronavirus na Aruba a bira 9

    ORANJESTAD – Segun un documento cu lo a lek for di Hospital Horacio Oduber di e Outbreak Management Team, tin un total di 9 persona cu tin coronavirus, cu ta hospitalisa. Anteriormente tabata papia di un total di 6. Pa loke ta e 9 personanan, tres a keda getest pa hospital, 5 pa DVG, y 1 pa Respaldo. Di e 9 casonan, 2 ta den ICU/CCU.  Mes momento a mustra cu 2 pashent cu tabata hospitalisa, a bandona hospital mientrastanto. 

  • Colegio Arubano ta duna enseƱansa a distancia

    Colegio Arubano ta duna enseƱansa a distancia

    ORANJESTAD - Pa motibo di e Coronacrisis scol ta cera pa dos siman caba. Sinembargo, esaki no ta nifica cu no ta duna enseñansa. Colegio Arubano a saca probecho di e crisis, pa dal un paso grandi den digitalisacion di les, prueba y examen di scol: enseñansa a distancia.

  • Powered by SETAR