Encuesta Noticiacla: Mayoria ta ‘pro’ pa un toque de queda total

ORANJESTAD – Segun un encuesta di Noticiacla haci riba Facebook entre su usuarionan, mayoria di e 3.400 usuarionan cu a participa, kier pa gobierno extende e toque de queda pa 24 ora. Un total di 2.300 (67%) usuario cu a contesta ‘si’. Un grupo di  1.100 (33%) usuario a contesta ‘no’. 

MAS OPCION 

Mester bisa si cu manera ta conoci, e pollnan cu Facebook ta facilita, ta duna bo solamente e opcion pa dos contesta cortico. Esaki ta importante pasobra mientras cu mayoria a bisa cu nan kier pa un toque de queda total, hopi tambe di e grupo aki a pidi pa porta haci esaki 6pm-6am, pasobra cerando Aruba completo, ta haci dificil pa hende tin acceso na cuminda y otro necesidadnan vital. Y si hacie 24ora, mientras cu nan kier, lo surgi un locura prome cu e fecha drenta na vigor pasobra tur hende lo aglomera na supermercadonan, cu ta hacie pio. Otronan a bisa cu esey ta e prijs cu tin cu paga, y cu tin cu inclui militarnan pa asisti polisnan.