Deadlines pa Arubalening posponi pa motibo di coronavirus

ORANJESTAD - Pa motibo di e situacion actual relaciona cu e pandemia di Coronavirus “COVID-19”, e diferente deadlines di aplicacion pa un Arubalening ta keda posponi te cu un proximo aviso. Asina gobierno a informa diaranson mainta. 

Ta pidi studiantenan cu kier bin na remarca pa un Arubalening entrante augustus 2020 pa tuma bon nota di e procesonan adapta. Pa esaki mester acudi regularmente na nos website ea.aw como tambe facebook page @EducationAruba caminda nos lo publica tur informacion.

DOCUMENTONAN DI CENSO

Studiantenan cu a registra caba y cu ainda mester entrega e documentonan cu ta rekeri pa busca na Censo, atencion: Ta pidi e studiantenan pa no bay Censo personalmente, ni tampoco yama Censo. Departamento di Enseñansa Aruba (DEA) tin contacto cu Censo y ambos departamento ta keda pendiente di e desaroyonan te cu dia 31 di maart proximo y ta evalua kico ta e miho solucion pa esaki.

Riba dia 31 di maart lo informa e studiantenan a traves di nos website ea.aw kico ta e siguiente paso.

ARUBALENING PORTAL

Aplicacion pa un Arubalening desde aña 2017 ta bay via di e Arubalening Portal. Primeramente e studiante mester registra pa un Arubalening Account. Cu su Arubalening Account e studiante por login den e Arubalening Portal pa asina cuminsa cu su proceso di aplicacion.

Importante: E studiante mester percura pa aplica cu un email adres valido cual lo wordo uza pa manda notificacion y informacion importante pa e studiante. Tambe ta rekeri di e studiante cu e ta log in regularmente den su Arubalening Portal pa verifica e status di su aplicacion.

REGISTRA

Link pa Arubalening Portal

Riba e pagina [Arubalening Portal] por haya tur informacion di henter e proceso di aplicacion como tambe e links pa registra y/of login den e portal. Si ta haci uzo di e “top menu” di nos website, please tuma bon nota di e link corecto pa e Arubalening Portal:

ARUBALENING PORTAL TA PA E STUDIANTE.

LOGIN ta solamente pa personal di DEA.

Keda up-to-date

Ta sugeri pa studiantenan acudi regularmente na nos website ea.aw como tambe sigui nos via social media (facebook, twitter, instagram) @educationaruba.

Info / Contact

Pa preguntanan relaciona cu Arubalening: arubalening@ea.aw of 528 3400.

Pa mas informacion por busca [A] Arubalening den e alfabet menu riba homepage of por tuma contacto cu DEA seccion Studiafaciliteiten