KPA: Cantidad di detencion a aumenta riba di 4 dia di toque de queda

KPA: Cantidad di detencion a aumenta riba di 4 dia di toque de queda

Posted on 03/25/2020 11:09 am AST | Updated on 03/25/2020 11:15 am AST

ORANJESTAD - Di 4 dia di toque de queda relaciona cu e crisis di coronavirus, a conta cu 29 detencion. Asina vocero suplente di polis Liliana Rasmijn a bisa diaranson. Segun Rasmijn, Cuerpo Policial un biaha mas tabata bastante ocupa y a haci detencion den diferente districtonan. Total a detene 29 persona. 

Pa 9or di anochi e prome detencion  a cay pa loke ta e toque de queda na Ponton. Despues di esey tabata tin mas detencionan cu a tuma lugar na varios parti di Aruba. 

Tambe Rasmijn ta conta con polis tabata man yen pa loke ta candela den diferente barionan. “A topa cu barinan cu sushi cla pa wordo kima na Seroe Patrishi, tambe mas den anochi na madiki y tambe riba Watty Vos Boulevard. Brandweer a presenta na e sitionan y paga e candela. Polis a haya nan confronta tambe den e dos ultimo dianan cu clabonan riba caminda,tambe objectonan manera bloki, palonan cu clabo den nan poni riba caminda” e boletin di polis a finalisa bisando. Potret cortesia Aruba Press Pool. 

  • Cantidad di detencion pa toque de queda a baha te na 8

    Cantidad di detencion pa toque de queda a baha te na 8

    ORANJESTAD – Despues di 9 dia di toque de queda y yen di detencion, e cantidad mas abou a keda registra durante e toque de queda mas recien, esta # 10, a keda registra ‘apenas’ 8 detencion. Algo hopi bon si nota cu ta prome biaha cu e cifra ta baha bou di 10 y ta bira un cifra singular. Ta parce cu e comunidad a haya e mensahe, y of porta e cambio di medida pa tene esnan deteni cera henter anochi, lo a duna su fruto finalmente. Antes tabata detene e persona(nan), duna nan un multa y laga nan bay. 

  • For di diabierna cuerpo policial a cera tur warda di polis

    For di diabierna cuerpo policial a cera tur warda di polis

    MACUARIMA – For di diabierna ultimo, cuerpo di polis a cera tur  warda di polis pa servicio na publico. Esaki relaciona cu  e crisis di coronavirus. Cu esaki Cuerpo Policial ta adapta su maneho pa atende publico pa asina atene nan mes ta na e protocol di distanciamento social na su wardanan.  E unico excepcion ta casonan urgente. 

  • Polis a cera rumshop cu a viola regla di ‘Shelter in Place’ diadomingo

    Polis a cera rumshop cu a viola regla di ‘Shelter in Place’ diadomingo

    ORANJESTAD – Diadomingo polis a cera e rumshop Miramar Rumshop pasobra nan tabata habri, violando e regla di ‘Shelter in Place’, cu ta informa cu tur lugar mester ta cera. Esaki a sosode net prome cu diadomingo merdia. Tabata durante patruya di polis cu a tuma nota di e lugar habri. Aki e patruya a topa cu e propietario di e lugar y a dune e informacion y cu e mester a cera e lugar. Segun e raportahe di polis, e doño a mustra comprension y a cera su lugar. No ta papia cu polis a multa e persona pa a viola e regla.  

  • Polis a actua riba ‘samenscholingsverbod’ pero no a duna multa

    Polis a actua riba ‘samenscholingsverbod’ pero no a duna multa

    ORANJESTAD – Polis a actua caba riba e regla nobo impone pa gobierno di ‘samenscholingsverbod’, pero no a parti multa ainda. Asina por nota di e relato di polis di fin di siman. Segun e relato aki, tabatin por lo menos dos ‘incidente’ di samenscholing’ (ta hunto den grupo di mas di 3 persona riba caminda publico). Uno tabata diadomingo atardi na altura di panaderia di Dakota. Aki polis a haya un gurpo di persona na un supermercado banda di e panaderia. Polis a simplemente hala nan atencion y a bisa nan pa aloha di e lugar. Mes momento tabatin un otro caso. E biaha aki na altura di un cas na Schotlandstraat unda cu polis a papia cu doño di e cas di inicial Q. A informe di e reglanan di samenscholing. Q a mustra comprension y a tuma paso. Aki tampoco polis ta haci mencion cu a multa e persona pa motibo di a viola e regla aki. E intencion ta cu ora cu un persona viola e regla aki, e haya multa di polis. E multa ta varia. 

  • Cantidad di detenido durante toque de queda a baha te 16

    Cantidad di detenido durante toque de queda a baha te 16

    ORANJESTAD – E cantidad di detencion relaciona cu e toque de queda pa e crisis di coronavirus, a baha te na 16 durante e di 9 anochi. Asina vocero di polis Lito Laclé a confirma dialuna mainta. A haci un siman diadomingo cu gobierno a implementa esaki debi na e crisis. For di e prome dia, un cantidad basta grandi di persona a keda deteni y e cifra diariamente a keda fluctua basta halto. Notable ta cu ningun dia esaki tabata 0, pero tabata subi y baha. Y tambe mayoria di e detencionan tabata sosode den e prome oranan cu e toque de queda drenta na vigor. De hecho, e prome detencionan tabata cay semper algun minuut despues di e toque de queda drenta na vigor tur anochi. E medida aki ta keda na su lugar por lo pronto, y ta papia di posibel extencion cu 2 siman. E prome anuncio tabata cu e medida tabata te dia 31 di maart 2020, pero mirando e comportacion di nos comunidad, y e aumento di caso positivo, a prolonga esaki. NOTA: E potret ta di un detencion di e prome anochi di toque de queda. 

  • Aruba a registra su prome morto den trafico pa 2020

    Aruba a registra su prome morto den trafico pa 2020

    ORANJESTAD – Aruba a registra su prome morto den trafico pa 2020. Vocero suplente di polis Liliana Rasmijn a confirma cu awe mainta pa 8:05 central di polis a wordo notifica di un accidente ariba Watty Vos Blvd. Un auto lo mester a alcansa un peaton. Na yegada di e patruya a pidi pa ambulance na e sitio y tambe pa  polis di trafico. 

  • Powered by SETAR