Turista despues di a bishita Aruba, a test positivo na Merca pa coronavirus

ORANJESTAD – Un turista Mericano di Indiana cu tabata di bishita na Aruba recientemente, a test positivo pa coronavirus ora cu e la bolbe Merca. Asina e portal The Purdue Exponent ta raporta.  E condado di Tippecanoe na Indiana su departamento di salud a anuncia e turista como e di 4 caso positivo di e condado. Ora cu a haci su tracing, a compronde cu el a caba bin di Aruba. Pues ta indica cu tin e posibilidad cu el a contagia na Aruba y bira malo na Merca, of den e proceso di su biahe. E ta isola na cas aworaki. Loke no ta conoci of cla ainda, ta na unda e persona a wordo contagia.