SETAR: Prevencion ta e mihor remedi pa cu coronavirus

(ADVERTORIAL)  

SETAR como nos compania nacional di Telecomunicacion ta siguiendo e desaroyonan rond di e Coronavirus (COVID-19) hopi di serca. E salud di nos empleadonan, nos clientenan y e comunidad di Aruba en general ta nos prioridad como tambe e continuidad di servicionan cu SETAR ta ofrece. Pa es motibo, SETAR a adopta un lista di maneho pa preveni y sigura e bienestar di nos empleadonan y clientenan. 

Teleshop Seroe Blanco y e TeleKiosk na Airport a wordo sera te cu proximo aviso. E demas Teleshopnan lo sigui brinda servicio orario normal. Clientenan cu ta bishita nos Teleshopnan ta wordo pidi pa coopera cu e siguiente precaucionnan cu SETAR a tuma:

-         Un cantidad limita di persona por drenta e Teleshop na mesun momento;

-          Uzo di handsanitizer na entrada;

-          Mantene bo mes patras di e strepi geel na e balie;

-          Y evita contacto cu otro personanan door di mantene distancia y saluda sin duna man.

SETAR di su banda a aumenta limpieza di su Teleshopnan, specialmente e areanan publico y e balienan. 

Na mes momento, SETAR ta conseha clientenan pa sigui e instruccionnan di DVG encuanto Social Distancing y limita bishita na nos Teleshopnan. SETAR tin varios opcionnan online pa clientenan di prepaid y tambe pa pago di cuenta di SETAR. 

SETAR conforme e instruccionnan di Social Distancing ta trahando cu menos capacidad pa atende cu cliente. Nos ta pidi clientenan pa yama nos Contact Center solamente ora tin preguntanan urgente na e numbernan conoci of WhatsApp na 597-9999. Sigui nos riba nos pagina di Facebook pa asina keda al tanto di tur informacion. Hunto nos por stop e virus aki.