Simar ta contra pa schoolexamens ta sigui aworaki den crisis di coronavirus

ORANJESTAD – Mientras cu gobierno di Aruba den un forma ‘no oficial’ a anuncia diamars mainta cu examen final (eindexamens) pa scolnan secundario (mescos cu na Hulanda) no ta sigui debi na coronavirus, e school examens (SO), si ta sigui. Segun presidente di e sindicato di maestro SIMAR, Josefina Albertus a bisa noticiacla, nan ta contra e hecho cu kier sigui cu school examens awor. Ademas, nan no a haya nada official di e minister concerni, Rudy Lampe, y directie onderwijs ta ‘trahando riba algo’.

PARA SCHOOL EXAMEN

Tabata na inicio di e tratamento di presupuesto 2020 diamars mainta cu prome minister Evelyn Wever a haci e anuncio cu lo no tin examen final di scolnan secundario. Pero oficialmente nada no a keda anuncia. Esaki ta pone cu tin hopi pregunta den ‘mundo’ di enseñansa na Aruba. Albertus tin yen di pregunta pa e mandatario. A bisa e portal aki cu kier ‘para’ e school examens siguiente, sinta hunto, planea un strategia. Segun Albertus, nan ta traha responsabel, pa seguridad, salud y bienestar di e alumnonan, maestro y mayornan.