DVG: Aruba lo conoce aumento di casonan positivo di coronavirus

ORANJESTAD - Den e dianan cu ta sigui nos pais lo conose aumento den casonan positivo, pasobra hopi mas test ta wordo haci. Asina Departamento di Salud (DVG) a informa diamars atardi. Segun e informacion, nan (DVG)  a amplea nan definicion di caso pa por test mas y produci mas. Mientras cu nan no ta bisa esaki, e ta mustra cu por interpreta esaki cu nan ta preparando Aruba pa un aumento di e casonan den e dianan cu ta bin. 

PROACTIVO

Den e lucha contra Corona Virus COVID19 Departamento di Salud Publico y Gobierno ta bisa di ta trahando pro-activo enbusca di casonan positivo riba nos isla. “ E strategia ta pa localisa mas hopi caso posibel den un corto tempo, pa di e forma aki isola y contene e virus di sigui plama”.“ Den e dianan cu ta sigui nos pais lo conose aumento den casonan positivo, pasobra hopi mas test ta wordo haci. Nos a amplea nos definicion di caso pa por test mas y produci mas”.  

DISTANCIA SOCIAL

Departamento di Salud Publico y Gobierno di Aruba ta pidi comunidad pa sigui aplica distancia social y aplica higiena di man regularmente. Sigui tur conseho duna pa nos Departamentonan y mantene bo mes na e cambionnan introduci den e lucha contra Corona Virus.