Gremionan comercial: Plan di alivio pa coronavirus ta inaceptable

ORANJESTAD – Un total di 7 gremio commercial diamars a mustra nan desaprobacion pa e nota di cambio (Nota van Wijziging) cu a keda presenta den Parlamento diamars pa pidi 1.3 biyon na ayudo.  E gremionan (ATIA, AHATA, CUA, KVK, ACBA, ATSA y WAB) a studia e documento y ta nota cu no a tuma suficiente decision pa mantene comercio y empleadonan nan trabou na bida. Segun e gremionan, e plan actual presenta ta ‘inaceptable y ta pone Aruba su chens pa recuperacion den peliger serio’. Nan ta referi na ‘Standard & Poors Global sup unto cu Aruba ta considera # 1 na mundo di ta esun mas vulnerable pa cu e crisis di COVID. 

PAKETE DI ESTIMULO

E pakete di estimulo pa comercio chikito ta pone na 40 miyon segun gobierno. “Esaki no ta ni 20% di e suma estima pa FASE y no ta ni suficiente” e gremio su carta ta bisa. Nan ta mustra cu nan a sugeri varios medida pa considera pero ta nota cu a usa ningun di nan. 

GASTO DI GOBIERNO

Segun e gremionan, no tin ningun mencion di reduccion di gasto di gobierno. Y nan ta bisa cu ta prome minister mes a bisa repetidamente cu nos tur mester carga e peso. Como sugerencia, e gremionan ta publica un lista di posibilidad. .

Y ta papia di e.o. elimina e siguiente partinan. 

a. Bashi Premie

b. Voorjaarspremie

c. Najaarspremie

d. Salary increases

e. Overbruggingstoelage

f. AZV+

g. Ter beschikking toelage

h. cambio di systema di pensioen

i. Reduccion considerable di salario y aplicacion di ‘no work, no pay’. 

E gremionan ta mustra cu eliminacion di e gastonan ey lo plama e peso entre trahado y sector publico y priva y no pone e peso total riba empleadonan di e comunidad commercial.

NO TA COMPRONDE

Y finalmente, e Nota van Wijziging cu gobierno a presenta, ta indica cu gobierno ‘no ta compronde e impacto severo di e crisis di nos economia’, y ta ‘urgi un biaha mas pa acepta e ayudo di gremioanan pa yuda maximalisa e resiliencia di nos isla. Por lesa e carta completo AKI.