India completo ta bay den lockdown pa 21 dia

India completo ta bay den lockdown pa 21 dia

Posted on 03/24/2020 2:52 pm AST | Updated on 03/24/2020 3:07 pm AST

MUMBAI - India ta bay den lockdown total nacional pa combati e brote di coronavirus. Esaki ta nifica cu 1.3 biyon hende pareu no por sali, cu ta igual na 1/5 di poblacion mundial. E lockdown lo dura 21 dia. “Lo tin un prohibcion total pa sali di cas. Y ta cera tur pueblo”. Cada ciudadano cu wordo gara pafo, tin cu haya un castigo. Aworaki tin 519 caso confirma y 10 morto 

  • Gobierno Mericano a ordena aeroliƱanan reembolsa pasaheronan pa buelo cancela

    Gobierno Mericano a ordena aeroliƱanan reembolsa pasaheronan pa buelo cancela

    WASTHINGTON – Oficialnan federal Mericano diabierna a ordena e aeroliñanan Mericano pa reembolsa clientenan pa buelonan cancela, bisando cu tin un grupo grandi di pasaheronan tabata critica referente e pandemia di coronavirus cu e aeroliñanan tabata provee credito pa otro buelo envez di placa cash. E departamento Mericano di Transporte no a bisa cuanto claim a keda substancia, pero el a manda un notificacion enforsa pa e aeroliñanan bisando cu ‘pasaheronan mester wordo reembolsa mesora ora cu nan buelo ta cancela of coriendo retraso considerable”. Gobierno Mericano a bisa tambe cu e lo ehecuta discrecion prosecutorial y permiti aeroliñanan pa contacta cliente, actualisa nan politica y entrenta nan personal miho pa por atende cu e asunto. 

  • Na Filipinas si bo viola e lockdown pa coronavirus, nan ta tira bo mata

    Na Filipinas si bo viola e lockdown pa coronavirus, nan ta tira bo mata

    MANILLA – Esnan cu viola e toque de queda na Filipinas (Lockdown), lo wordo tira mata. Asina e presidente Filipino Rodrigo Duterte a bisa den un discurso televisa. “Matanan”, Duterte a bisa den un discurso rabia, mitar na ingles y Filipino. ‘No hinca den bo cabes pa reta gobierno. Lo bo tin duele”. Na Filipinas tin 2600 caso confirma di coronavirus, y 107 morto, aunke cu ta kere cu e cantidad ta mucho mas halto.  

  • Mas di 1 miyon hende mundialmente tin COVID-19

    Mas di 1 miyon hende mundialmente tin COVID-19

    WASHINGTON – Mas di 1 miyon persona a keda contagia cu e coronavirus COVID 19 entrante diahuebs 2 di april 2020. Asina cifranan di John Hopkins University ta compila y medionan internacional manera BBC y Reuters ta raporta. E virus a mata mas di 51 mil hende mundialmente. Y mas di 208 mil mundialmente a recupera di e virus. Y cu 236 mil caso positivo, Merca tin e cantidad mayor mundialmente aworaki. 

  • Merca ta manda bapornan di guera pa combati traficacion ilegal den Caribe

    Merca ta manda bapornan di guera pa combati traficacion ilegal den Caribe

    WASHINGTON – Merca a anuncia cu nan ta manda bapornan di guera pa Caribe pa para e traficacion ilegal di droga. Esaki ta sosode un siman despues cu Merca a acusa presidente di Venezuela y otro oficialnan di narco terorismo. Segun e presidente Mericano Donald Trump, Merca ta cooperando cu 22 otro pais pa asina permiti e commando Mericano, pa aumenta e control, desrumpi y gara e cargamento di droga. Ta papia di bapornan di combate, avion, helicopter y bapornan di Warda Costa y Forza Aereo. 

  • Wimbledon 2020 tambe a keda cancela tambe pa coronavirus

    Wimbledon 2020 tambe a keda cancela tambe pa coronavirus

    LONDON – E torneo porta mas cotiza di tennis mundial, Wimbledon a keda cancela pa 2020. Asina e All England Lawn Tennis Club a anuncia diaranson, den un paso cu tabata casi inevitable, relaciona cu e brote di coronavirus. Tabatin posibilidad pa hunga sin publico, of hala e fecha mas atras, mirando cu no tabatin olimpiada tampoco. Pero finalmente a opta pa cancela e weganan cu tabata poni pa cuminsa dia 29 di juni 2020. Ta pospone esaki pa 2021, dianan 28 di juni pa 11 di juli 2021. Ta prome biaha desde Segundo guera mundial cu a keda cancela. Ta premira cu Davis Cup cu tin cu tuma lugar na November na Madrid, lo keda cancela tambe. E torneo habri di Francia, a wordo hala di mei pa September, cu ta un paso cu a causa rabia entre tenistanan di e federacion frances di tennis. E torneo habri di Merca, ta poni pa cuminsa si dia 25 di augustus 2020.  

  • Ex general Hugo Carvajal a cuminsa negosha su entrega cu Merca

    Ex general Hugo Carvajal a cuminsa negosha su entrega cu Merca

    MADRID – Ex general Venezolano Hugo Carvajal, ex hefe di inteligencia di presidente Nicolas MAduro a cuminsa purba negosha su detencion y entrega cu Merca. Asina e portal SEMANA TV ta raporta. E ta e di dos persona acusa formalmente pa Merca, cu a cuminsa cu e intento pa negosha cu Merca. E intencion ta pa e bira un testigo contra Maduro. Merca mientrastanto a ofrece 10 miyon dollar pa e captura di Carvajal, cu tin varios aña na Spaña despues di a kibra relacion cu Maduro. Tin un orden di detencion contra di Carvajal. Tabata aña pasa april cu Spaña tabatin  un orden di captura pa cual a detene. Despues na November a lague den libertad y a nenga su extradicion pa Merca. E aña aki cos a cambia y awor ta cooperando cu Merca. E otro persona cu tambe ta negociando ta ex general Cliver Alcala. E tabata dos aña na Colombia y a yega Merca diabierna cu e intencion di fungi como testigo contra Maduro. Carvajal algun aña atras tabata na Aruba pa bira consul Venezolano. Autoridad di Aruba a detene riba peticion di Merca, pero despues a lague den libertad riba orden di Hulanda. A  deporta Carvajal pa Venezuela como 'persona non grata' e tempo ey. 

  • Powered by SETAR