Crisis gobierno hulandes pa problema interno PvdA

DEN HAAG – Gabinete Rutte 2 ta trahando duro pa resolve e crisis chikito cu a surgi for di diamars, ora cu 3 miembro di partido PvdA a vota contra un proposicion di nan propio minister. Mientras cu den Binnenhof ta papiando caba di caida di e gabinete, e protagonistanan mes ta trahando duro pa resolve e crisis aki lihe. Minister presidente Rutte no kier papia, y ta duna tempo pa resolve e asunto. E minister di cual su plan di maneho di salud a keda desbarata diamars, Edith Schippers (PvdA) a bisa cu e ta kere cu tin un solucion. No ta berdad cu e la pone ultimatum sino e lo retira, segun Schippers. “Esey no ta mi style” e mandatario a bisa. Pa diahuebs mainta ta spera un carta y un solucion di e crisis aki, sino por conta cu un posibel caida di gabinete.