Dos partido di coalicion ta debati contra otro riba mocion

Dos partido di coalicion ta debati contra otro riba mocion

Posted on 03/24/2020 12:04 pm AST | Updated on 03/24/2020 2:34 pm AST

ORANJESTAD – Manera cu e tratamento di presupuesto 2020 a cuminsa diamars mainta, a inicia tambe un debate entre partidonan di coalicion riba un mocion cu a keda presenta. Mientras cu gobierno ta pidiendo 1.3 biyon florin na ayudo, fraccion di POR cu sosten di parlamentario independiente Daphne Lejuez, a entrega un mocion pa tur parlamentario y minister entrega 1000 florin di nan salario pa tres luna largo den forma solidario. Fraccion di MEP a bula bek, y ataca esaki pero no a bisa cuanto nan lo kier duna. 

E MOCION

E mocion entrega pa parlamentario Alan Howell (POR) ta bisa cu pa lunanan di april, mei y juni, tur parlamentario y minister ta bay haci un contribucion cu mil florin cu tin cu bay den e fondo di ayudo pa nos hendenan cu a perde entrada. 

REACCION

Miembronan di MEP (Partido di coalicion) mesora a protesta, unda cu a yama e oferta ‘algo populista’, of aros con pollo cu un pipita di aros’ entre otro. Esun cu a yama e oferta uno populista, no ta bisa cuanto si mester duna, y a bisa solamente cu MEP lo no sostene e mocion. Un otro parlamentario a ofrece pa paga su vacantie uitkering completo cu ta 8000 florin. Un otro a bisa cu kier duna mas cu mil florin. Pero niun di tres a bin cu algo mas concreto. No a tende ainda formalmente di fraccion di AVP y RED riba e mocion aki. A calcula cu si e mocion keda aproba, y sali for di punto di salida cu tur 21 parlamentario participa, esaki ta genera 63 mil florin hunto, y si añadi e ministernan (incluyendo plenipotenciario) e suma total lo ta 93.000 mil florin. Pues ni 100 mil florin, di un total di 1.3 biyon florin. 

  • Crucero Mericano a pone Aruba riba schedule pa mei caba

    Crucero Mericano a pone Aruba riba schedule pa mei caba

    MIAMI – Mientras cu Aruba su haf y aeropuerto ta ketobay den un total lockdown pa trafico di pasahero, sin fecha pa habri, awe e liña crucero Carnival a anuncia nan ittinerario y a inclui Aruba caba den dje, pa yega dia 19 di mei proximo segun e portal cruiseindustrynews.com. E bapor ta sali for di Miami dia 16 di mei y ta cuminsa un crucero di 8 dia, cu fuera di Aruba, ta bishita Republica Dominicana y Corsou tambe. Den un reaccion cortico pa NoticiaCla.com, minister di turismo Dangui Oduber a bisa diahuebs cu e ta ‘duda’ cu esaki lo sigui y lo averigua sinembargo cu esnan concerni. "Mi no ta mira realistico cu lo inicia den Mei” e CEO di Aruba Tourism Authority Ronella Tjin-Asjoe a bisa noticiacla. Nos lo traha riba esaki pa asina defini nan posicion y pa asina Aruba tambe defini posicion pa cu esaki” e CEO a finalisa bisando. 

  • Bernie Sanders ta retira su candidatura pa eleccion presidencial Mericano

    Bernie Sanders ta retira su candidatura pa eleccion presidencial Mericano

    WASHINGTON – Senador Bernie Sanders a cancela su participacion na e eleccion presidencial Mericano diaranson. Cu esaki, e ta habri caminda pa e unico otro candidato Joe Biden bira e nominado di e partido Democrata cu tin cu confronta actual presidente Donald Trump den e eleccion presidencial na November 2020. Sanders tabata garando tereno te na februari ora cu Biden a gana un serie grandi di eleccionan cu a solidifica su posicion

  • Centro di e epicentro di coronavirus Wuhan a termina su lockdown

    Centro di e epicentro di coronavirus Wuhan a termina su lockdown

    LONDON (AP) — Despues di ta den lockdown pa 76 dia, e ciudad Chines den e centro di e pandemia global, a habri bek diaranson. Mesora miles di e ciudadanonan a subi trein y avion y a bandona e ciudad. Ta aki tur cos a origina na December ultimo ora cu e prome casonan a presenta. Awe e ta un problema mundial unda cu hasta Aruba ta afecta seriamente.  

  • Prome minister Britanico den cuido intensivo pa coronavirus

    Prome minister Britanico den cuido intensivo pa coronavirus

    LONDON – Prome minister Britanico Boris Johnson(55) a drenta cuido intensivo dialuna atardi, debi cu su simptomanan relaciona cu coronavirus a empeora. Asina su oficina ta bisa. A pidi su reemplasante Dominic Raab pa asisti ora cu ta necesario. Den curso di dialuna, e condicion di e mandatario a empeora, pa cual a dicidi di move pa e departamento concerni. E mandatario a keda hospitalisa diadomingo despues di a test positivo pa e virus 10 dia pasa. Dialuna mainta ainda e portal aki a reproduci un noticia cu e mandatario tabata den ‘bon espirito di salud’. 

  • Arubiano conoci ta fayece di coronavirus na New York

    Arubiano conoci ta fayece di coronavirus na New York

    NEW YORK – Un Arubiano conoci a fayece na New York a consecuencia di coronavirus. Ta trata di Sha-king Sycho Arrindell (34), cu tabata un conocido DJ. Ta for di fin di maart e lo a contagia cu e virus, y pa diabierna ultimo ainda su mama a pone riba su pagina di Facebook cu el a wordo poni riba ventilador. Pero ya dialuna e noticia lamentable a drenta cu el a fayece lamentablemente. Noticiacla.com ta manda palabra di condolencia na famianan di e fayecido. 

  • Aunke hospitalisa pa coronavirus, prome minister Britanico ta keda na poder

    Aunke hospitalisa pa coronavirus, prome minister Britanico ta keda na poder

    LONDON  – Prome minister Britanico Boris Johnson lo keda encarga cu maneho di e pais, no obstante e hecho cu el a keda hospitalisa diadomingo debi na su contagion cu coronavirus. Segun Johnson, riba conseho di su hendenan, el a keda interna debi cu simptoma di e malesa tabata perturba ketobay. E ta den bon espirito, pero oficialnan no ta referi mas na su simptoma como ‘leve’. 

  • Powered by SETAR