Gobierno a pidi Parlamento aprobacion pa fia 1.3 biyon florin

Gobierno a pidi Parlamento aprobacion pa fia 1.3 biyon florin

Posted on 03/24/2020 10:54 am AST | Updated on 03/24/2020 11:28 am AST

ORANJESTAD – Parlamento di Aruba a cuminsa tratamento di presupuesto di pais Aruba pa 2020 diamars mainta. Un presupuesto cu a bay di un surplus di 45 miyon pa un deficit di 1.3 biyon florin. Gobierno ta pidiendo Parlamento aprobacion pa por inverti e suma gigantesco aki pa ‘rescata e pais’ unabez cu sali di e crisis di coronavirus. Asina premier Evelyn Wever Croes a bisa dialuna anochi. Mientrastanto e tratamento a cuminsa, unda cu partidonan a haya 3 dia pa trata esaki. 

OPOSICION

A compronde cu fraccion di un partido Lejuez lo bay di acuerdo manera el a informa e portal aki siman pasa, y partido AVP tambe aunke cu nan kier sa di gobierno pakico si ainda Raad van Advies ta bay duna su conseho riba e nota di cambio cu a keda presenta den parlamento pa e suma biyonario. 

PLAN DI CONTINGENCIA

Segun gobierno, a evalua e magnitude di e crisis y e impacto cu e tin riba Aruba. A evalua esaki cu propio institutonan manera Banco Central, departamento Economico y Finanzas, y tambe hunto cu e agencianan internacional manera S&P y World Bank. A identifica di tur esey cu mester e suma di 1.3 biyon cu tin cu wanta te December di e aña aki, pa por pone Aruba bek riba pia. 

CON TA LOGRA ESAKI

Wever a sigura cu gobierno lo haci e sacrificio necesario den bahamento di su gastonan, aunke no a specifica unda lo baha gasto. E resto lo ta pa presta riba mercado internacional cu ayudo di Hulanda na un interes mas abou. E suma ta grandi, y e pakete mester brinda alivio na e trahadonan cu a perde trabou y of entrada. Ta brinda tambe na doñonan di trabou, un alivio pa asina nan por sigui opera of cuminsa opera bek ora cu e crisis ta tras di lomba. Ta papiando di empresanan chikito y mediano y empresarionan independiente y esnan mas grandi. A pidi e companianan grandi pa mantene trahadonan na pia di trabou. A sigura cu lo fortifica e fondonan social, manera SVB y AZV pasobra ta di e fondonan ey lo paga e pensioen di biehez y cubri gasto di salud di henter e comunidad. Si no inverti den nan segun Wever, nan lo core peliger. Como tal a inclui e suma ey den e plan di contingencia. 

  • Papel di 100 florin nobo di Aruba a gana premio prestigioso

    Papel di 100 florin nobo di Aruba a gana premio prestigioso

    ORANJESTAD  – International Bank Note Society (IBNS) a anuncia cu Banco Central di Aruba (BCA) a gana e premio prestigioso “Bank Note of the Year Award” pa 2019. Ta trata di e diseño di e papel di 100 florin nobo cu a keda presenta aña pasa juni.  E color di e placa ta dominantemente berde, cu ta representa e habitat natural di diferente especie di Aruba su flora y fauna. A nomina Aruba for di 22 pais, y a haci un mencion bunita di e placa aki

  • Operacion di Aeropuerto Reina Beatrix afecta drasticamente debi na coronavirus

    Operacion di Aeropuerto Reina Beatrix afecta drasticamente debi na coronavirus

    ORANJESTAD - Operacion di Aeropuerto Reina Beatrix por ta bek na normalidad pa fin di aña awor. Asina e CEO Joost Mijes a declara, relaciona cu e retonan cu e aeropuerto ta confronta pa cu e coronavirus. 

  • Rifa di Colegio Arubano aplasa cu 2 luna debi na coronavirus

    Rifa di Colegio Arubano aplasa cu 2 luna debi na coronavirus

    ORANJESTAD - Pa motibo di e medidanan pa cu e Covid-19 virus, e rifa di Colegio Arubano H4/V5 project  di 3 April 2020 ta aplasa pa tentativamente diabierna 5 Juni 2020. Asina SMOA a informa diahuebs mainta. 

  • ATIA: Sector publico tambe mester entrega

    ATIA: Sector publico tambe mester entrega

    ORANJESTAD – E gremio commercial ATIA a tuma nota di un carta cu sindicatonan a manda pa gobierno relata na cierto expresionan cu Minister President a hasi, caminda ta duna di conoce cu tur Parlamentario, Ministernan y empleadonan publico lo mester bay entrega. Den e carta aki, e sindicatonan ta duna di conoce den nan palabranan:” na cualkier momento cu gobierno kier mishi cu e posicion huridico di empleadonan publico, esaki mester ta a base di acuerdo cu sindicatonan!”. E tono ta duna di conoce caba cu lo no ta un lucha fasil segun ATIA su comunicado.

  • Imagen di hotelnan cera na Aruba ta keda uno surreal

    Imagen di hotelnan cera na Aruba ta keda uno surreal

    PALM BEACH – E bista di hotelnan cera cu sea baricada of marca cu pion, y parkinglot completamente bashi, ta keda uno surreal pa hopi. Nunca antes a nota un situacion asina cu tur hotel (Lo-rise y High-rise) ta cera visiblemente cu barica na Aruba. Ni tempo di e siman di 9/11 unda cu pa un siman casi avionan a stop di bula for di y pa Merca debi na e confusion di terror cu a surgi despues. Aworaki, e situacion ta otro unda cu e sector hotelero a conoce un cierre total, unda cu excepcion di personal di seguridad y mantenimiento, tur hotel ta porta duro cera. Un situacion cu lo por keda asina pa sigur dos pa tres luna. Por lo menos, te ora cu frontera habri y avionan di Merca y otro destinacion cuminsa bula bek pa Aruba. Y ora cu esaki sosode, spera cu e avionan bin cu turista. Pasobra na final di cuenta, ta turista ta loke e hotel mester pa por habri, y pa por emplea nos hendenan bek. 

  • CMB: Informacion pa pensionadonan cu cuenta na Caribbean Mercantile Bank N.V.

    CMB: Informacion pa pensionadonan cu cuenta na  Caribbean Mercantile Bank N.V.
  • Powered by SETAR