RIVM: Menos caso di morto ‘nobo’ pa coronavirus na Hulanda

AMSTERDAM – E ultimo 24 ora tin 34 persona cu a fayece a consecuencia di coronavirus na Hulanda segun departamento di salud di Hulanda RIVM. Esaki ta 9 morto menos cu un dia prome pues e cantidad a bira menos. Na tur tin 213 hende cu a muri na Hulanda a consecuencia di e virus. Den 24 ora di tempo, un total di 545 persona a test positivo riba e virus, cu ta aumenta e total na 4749 persona. RIVM sinembargo ta sigura cu e cantidad real ta hopi mas halto debi cu no ta test tur hende. E cantidad di hende hospitalisa tambe a aumenta. Dialuna tabatin 242 persona nobo interna mientras cu un dia prome esaki tabata 193. Na tur tin 1230 persona interna of tabata interna. RIVM no sa si cuanto lo a bay cas mientrastanto. Diadomingo tabatin e cantidad mas grandi di morto raporta, cu tabata 43. Diasabra y diabierna respectivamente tabatin 30 morto pa dia.