Periodista a keda deteni durante e di dos anochi di toque de queda

ORANJESTAD – Un di e 41 personanan deteni durante e di dos anochi di toque de queda, tabata un periodista local. Ta trata di Sharina Henriquez di e portal Caribish Netwerk. E tabata trahando ora cu dado momento polis a pare riba caminda (den su auto) pa detene. Henriquez a mustra polis e carta di dunado di trabou, usando e argumento cu e ta cay bou di e grupo cu ta traha continuo y pues ta protegi bou di e condicion ey. Polis no a considera e hecho ey y a detene y hibe warda di polis. Eynan el a wordo bisa cu e ta haya un multa di 1000 florin.  A compronde cu e no tin intencion di pague y ta prefera bringa esaki dilanti mesa berde.