Grupo di turista Argentino kier protesta dilanti parlamento awe

ORANJESTAD – Un grupo di 32 turista Argentina cu ta yama nan mes ‘Grupo de Turistas Argentinos Varados en Aruba’ tin e intencion di bay dilanti Parlamento awe pa 1’or di merdia, pa protesta cu nan a wordo laga atras pa Copa Airlines y no sa con pa yega nan pais bek. “Nos ta turista cu a yega Aruba cu tur amor y expectativanan, y nos merece atencion for di gobierno pa resolve nos situacion. Den nos grupo tin hende di mas di 60 aña y tin mucha tambe” e grupo ta bisa. 

COLOMBIA

E grupo ta bisa di a tende cu lo tin vuelo di Colombia pa trece bek mas di cien hende residente di Aruba  y nan lo desea un coordinacion a nivel departamento di relacionan exterior di Aruba, Embahada di argentina na Venezuela y Colombia, pa nos por jega nos cas, manera tur hende ta desea di haci e dianan aki.