Bikker: Tin un grupo cu por ta riba caya durante toque de queda mañan

ORANJESTAD – Durante e periodo di toque de queda cu gobierno di Aruba a anuncia, valido pa diasabra anochi 9pm, minister di Husticia Andin Bikker a anuncia diabierna merdia cu tin un grupo di exepcion pa cu esaki. Entre esnan cu tin e excecpion ey, tin companianan di seguridad cu ta monitor negoshi 24/7, pa nan por acudi y atende e casonan necesario. Los di esey, cuerpo policial tin hopi patruya riba caya, y tambe helicopter. Tur persona cu ta riba caya e ora ey sin permiso, ta bira un sospechoso pa polis y lo actua conforme ley.

EXCEPCION

E grupo specifico di excepcion ta encera entre otro cuerpo policial, personanan cu ta traha na lugarnan di cuido, botica, companianan di utilidad manera WEB, Elmar, Setar, APA, ANSA. E personanan aki mester tin un tipo di badge, un carchi of un permiso pa nan por ta riba caya e momentonan ey, segun Bikker. Tin tambe diferente ekipo di trabou di sector priva, cu por ta riba caya, contal cu nan tin nan badge of declaracion cu nan tin permiso pa ta riba caya. Tin tambe director di DVG, director di DCA, Scheepvaart, y tambe persona cu ta wordo apunta door di e directornan aki, manera director di Sociale Zaken. Ministernan tambe ta exonera. Lo evalua dia pa dia con e excepcionan aki ta funcionando. Ta depende con pueblo ta cooperando pa cu e regla aki.  Esaki ta e ley cu ta atende toque de queda. Click AKI