Entrante diasabra ni residente of ciudadano inscribi por drenta Aruba

ORANJESTAD – Entrante diasabra awor, niun persona no por drenta Aruba, pues un lockdown total, cu ta nifica ni Arubianonan, si nan ta residente of no, por drenta Aruba. Esaki ta relaciona cu e crisis pa brote di coronavirus. Esey ta nifica mas specifico cu ningun hende no por bin Aruba for di diasabra awor, cu ta un medida valido por lo menos te 31 di maart proximo. Asina prome minister di Aruba Evelyn Wever Croes a bisa durante un conferencia di prensa. E motibo ta pa asina cera e chens mas hopi pa hendenan drenta Aruba. Hasta Arubiano por ta portador di e virus, pesey lo no tin distinccion entrante diasabra.