Gobierno ta ofrece fondo pa esnan cu keda sin entrada

ORANJESTAD – Mientras cu fondonan di gobierno ta limita, e intencion ta aworaki pa gobierno asisti un grupo relativamente grandi di ciudadano, cu por keda sin trabou financieramente. Ta papia di un grupo di por lo menos 25 mil hende, cu lo mester haya un suma di mas of menos 900 florin, y cu e areglonan special di banco, setar y otro instancia, e mester por logra pa un ciudadano por sigui bay dilanti. Esaki ta conta pa trahadonan cu ta perde nan entrada di un dia pa otro, debi na e crisis di coronavirus. Asina minister Glenbert Croes a anuncia durante un conferencia di prensa diahuebs atardi.