AAA: Un trahado na aeropuerto a test positivo pa coronavirus

ORANJESTAD – Un di e trahadonan di e usuarionan di aeropuerto Reina Beatrix a test positivo pa coronavirus. Asina vocero di aeropuerto Hendrik Croes a informa diahuebs merdia. Sinembargo no por a bisa unda e trahado aki ta traha, y a referi esaki na departamento di salud pa bisa. Esaki ta un di e scenarionan cu aeropuerto a premira y a activa e parti di e plan ey aworaki. No ta conoci si e persona aki ta e di 5 caso positivo manera cu a keda anuncia awe mainta. 

IDENTIFICACION

Segun Croes, AAA ta haciendo e contract tracing aworaki di tur hende cu tabatin contacto cu e empleado aki y ta den contacto su su doño di trabou tambe pa tuma medida preventivo. 

MANDA CAS

Mes momento a manda tur trahado cu ta cay den categoria di risico di AAA cas mesora. Otronan a bay den cuarantina propio y e negoshi of area di trabou di e trahado a keda sera tambe. Ademas a informa tur trahado di AAA y e ‘comunidad di aeropuerto’ riba e caso aki. Tres empleado di AAA a wordo manda cas como precaucion pa cuarantena propio pa 14 dia ya cu nan no tabata den contacto sea directo of indirecto cu e empleado di tercer partido cu a test positivo.